Fasistaríkið Ísland.

Ráðamenn á Íslandi flagga því að Ísland sé lýðræðisríki en er í raun argasta fasistaríki. Dómskerfið er skipað mútuþægum aðilum eins og formanni siðanefndar læknafélagsins og fleira mætti telja um óeðlilegar persónur í sæti dómara.

Margskonar deildir til ýmissa starfa eru starfandi og einnig skipaðar sérdeildir til að koma að ábendingum eða kvörtunum frá þegnunum vegna talinna rangra gjörða starfsmanna.

Starfsemi kvörtunardeilda er aðeins sýndarmennska af hálfu stjórnvalda því þessum kvörtunardeildum er ekki ætlað að starfa eðlilega og leiðrétta eða benda á það sem miður er í framkvæmdum opinberra starfsmanna.

Þessar kvartanadeildir eða eftirlits aðilar með að framkvæmd starfa sé samkvæmt settum lögum eru aðeins blekking því stjórnendum þessara deilda er ekki settar neinar reglur um hvernig og hve langan tíma þeim leyfist að taka til þess að svara kvartanda.

Á sama tíma og af hálfu ríkisins er þess krafist að þegnar svari fyrirspurnum stjórnvalda á 10-14 dögum en Landlæknir hefur fjögur ár. Embætti Landlæknis gengur að því er best er vitað lengst í ósvífni sinni gagnvart þegnum landsins. Þetta embætti tekur sér í heimildarleysi fjögur ár til að afgreiða ábendingar eða kvartanir frá þegnum landsins um alvarleg mistök í störfum heilbrigðisstarfsfólks.

Þar með fá þeir starfsmenn, sem orðið hefur á alvarleg læknisfræðileg mistök er kostað hafa íslenska þegna alvarlega skaða á heilsu sinni, fá þá fjögur ár til áframhaldandi mistaka eða kæruleysisafgreiðslu mála er lenda hjá þeim.

Þessi slóðaskapur af hálfu embættis Landlæknis er í sumum tilvikum þess eðlis að Landlæknir þarf ekki að svara kæru því kærandi eða sjúklingur lifði ekki þessi fjögur ár sem embættið tekur sér. Þar með telur Landlæknir ekki ástæðu til að svara kæru þegar kærandi er dauður.

Landlæknir er verjandi heilbrigðistarfsfólks sem orðið hefur á alvarleg mistök eða ásetningsbrot. Sem dæmi um ásetningsbrot af hálfu heilbrigðisstarfsmanna eru ósanninda skráningar, falskar skráningar, í sjúkraskrá landsmanna.

Eru mörg dæmi um að skráð eru hrein ósannindi í sjúkraskrá sem er hreinn skáldskapur skráningaraðila. Einnig er dæmi um að skráningum í sjúkraskrá sé breitt þegar upp koma mál er varða alvarleg læknisfræðileg mistök er kostað hafa alvarlega skerðingu á heilsu sjúklinga.

Varðhundurinn Landlæknir afgreiðir flestar kærur á hendur heilbrigðisstarfsfólki og þá einkum læknum með þeim athugasemdum að frásögn sjúklings sé aðeins ORÐ gegn ORÐI. Þar með er frásögn sjúklings sögð af Landlækni vera hrein lygi.

Eru sjúklingar varnarlausir gagnvart skráningu þeirra lækna sem falla undir skottulæknahugtakið og skrá einungis ósannindi í sjúkraskrá sem á að verja þá fyrir öllum kærum um læknisfræðileg afglöp og vankunnáttu.

Ef einhver vilji væri hjá embætti Landlæknis til að koma í veg fyrir alvarleg heilsuskerðingar afglöp lækna þá væri 14 dagar nægur tími til rannsóknar á máli til að koma í veg fyrir frekari afglöp og skjalafals af hálfu þeirra sem falla undir skottulæknahugtakið í hópi starfsmanna heilbrigðiskerfisins.

Það sem er einnig alvarlegt í heilbrigðismálum Íslendinga er að heilbrigðisráðuneytið gerir ekkert til að bæta ástandið þrátt fyrir að hafa fengið margar ábendingar síðustu þrjú árin um slóðaskap af hálfu embættis Landlæknis.

Því miður er það svo að allar eftirlitsdeildir ríkisins eru brenndar sömu meinsemd hvað varðar afgreiðsluhraða á kvörtunum.

Má þar nefna:

Landlæknisembættið fj0gurra ára slóða skapur og neitar að 14. gr. laga nr. 55/2009 um rétt sjúklinga til að skoða grunnskráningu í sjúkraskrá séu gildandi lög.

Sjúkratryggingar --tveggja ára slóða skapur. Kærunefnd sjúkratrygginga --meira en árs slóða skapur.

Persónuvernd lágmarks slóða skapur 18 mánuðir samkvæmt skriflegu svari.

Lögreglan neitar að taka fölsunarmál til rannsóknar þrátt fyrir skýr ákvæði í lögum nr. 55/2009 um hvert eigi að koma kvörtunum um skjalafals.

Af framan rituðu er ljóst að stjórnkerfi Íslands er í ætt FASISTA þar sem þegnarnir eru aðeins dýr sem eiga að hlýða yfirvaldinu eða glæpamönnunum.

Reykjavík 12. október 2024

Kristján S. Guðmundsson

Fv. skipstjóri