Flótti Landlæknis

Þau tíðindi hafa borist í fréttum að Landlæknir sé á flótta úr embætti Landlæknis þar sem hún ræður ekki við Landlæknisstarfið. Á því að reyna við starf í fáránleikaleikhúsinu sem hún telur vera léttara en erfiðleikar sem steðja að embætti Landlæknis.

Eftir sex ára veru hennar í embætti Landlæknis hafa hlaðist upp yfir 400 kærumál á hendur lækna vegna mistaka í starfi. Samkvæmt skriflegu svari frá embætti Landlæknis tekur rúm fjögur ár fyrir embættið að afgreiða hverja kæru sem embættinu berast.

Ef að allar kærur á hendur læknum eða heilbrigðisstarfsfólki eru fjögur ár í vinnslu hjá embættinu er hægt að spyrja: Hve mörg alvarleg atvik hafa átt sér stað hjá sama aðila vegna slóðaskapar embættis Landlæknis þar sem að kærumál eru ekki rannsökuð sem skyldi á eins stuttum tíma og fræðilegur möguleiki er fyrir slíku.

Þetta framferði Landlæknis er vísbending um að af hálfu þessa opinbera embættis sé markvisst unnið að því að verja mistök þeirra lækna sem kærðir hafa verið. Virðist sumir læknar er falla undir íslenskt heilbrigðiskerfi séu það sem kallað hefur verið skottulæknar. Eru það persónur sem hafa mjög takamarkaða þekkingu á læknisfræði en þykir gott að vera í vel launuðu starfi. Er aðal einkenni þeirra, sem falla undir skottulækna hugtakið, það sem kemur skýrt fram í bókun þeirra í svokallaða sjúkraskrá en þeirra bókanir eru að 90% ósannindi.

Tilgangurinn með bókun ósanninda í sjúkráskrá er að fela vankunnáttu sína í læknisfræðinni. Komi upp kvörtun frá sjúklingi til Landlæknis vegna alvarlegra mistaka læknis afgreiðir Landlæknir málið með því að halda því fram að frásögn sjúklings sé ósannindi eða lygi.

Landlæknir segir ekki eða skrifar að um lygi sé að ræða af hálfu sjúklings. Landlæknir afgreiðir málið með þeim orðum: Að það sem sjúklingur segir eða skrifar sé aðeins ORÐ gegn ORÐI læknis.

Þýðing á svari Landlæknis er með beinum orðum: Sjúklingur lýgur.

Slóðaskapur Landlæknis kemur vel fram í bréfi frá embætti Landlæknis dagsett 24. júlí 2024 til U.A. þar sem fram kemur að kærumál sem óskað var upplýsinga um var svarað að það ætti aðeins eftir að fá áritun Landlæknis. Síðan eru liðnir rúmir 100 dagar og svar við kærunni hefur ekki borist enn þá og Landlæknir þar með ekki áritað skjalið.

Flóttinn úr embætti Landlæknis yfir í leikhús fáránleikans er til að fá náðugri daga og minna álag í starfi.

Verður fróðlegt að sjá hve þolinmóðir kjósendur eru. Hvort þeir séu reiðbúnir til að bíða eftir hugsanlegum slóðaskap verðandi leikara , Landlækni, í fáránleikaleikhúsinu.

Reykjavík 31. október 2024

Kristján S. Guðmundsson

Fv. skipstjóri