Guðirnir í íslensku samfélagi.

Formaður dómarafélagsins hefur opinberað guðatrúna á starfsstétt í landinu sem hefur inni að halda verstu glæpamenn sem nokkurt þjóðfélag getur státað af.

Formaðurinn telur að dómarar séu svo óskeikulir að þeirra störf falli undir framkvæmdir sem guðir einir eru taldir hafa getað. Allt mitt starf á himni og jörðu er óskeikult er einkunnarorð dómara.

Þetta getur dómari látið út úr sér og frá sér á prenti í tilraun til að réttlæta glæpaverk sem framin hafa verið af þeim siðblindu réttarfarsnauðgurum (dómurum) sem sýnt hefur verið fram á að hafi brotið lög.

Formaðurinn telur að dómar sem upp eru kveðnir á Íslandi séu slík guðs verk að þau séu óskeikul og enginn hafi leifi til að gagnrýna þá. Þetta getur formaður dómarafélagsins látið frá sér þrátt fyrir margra ára baráttu þegna þessa lands við að leita réttar síns eftir svívirðilega glæpastarfsemi og siðblindu sem fram hefur farið í réttarsölum. Glæpir þar sem dómarar hafa notað fölsuð skjöl sem niðurstaða dómsins var byggð á.

Guðirnir (dómararnir) sem formaðurinn er að verja hafa í mörg ár verið kærðir fyrir embættisafglöp og siðblindu en stjórnlaust verið reynt að hylma yfir glæpina af hálfu dómaranna og stjórnsýslunnar.

Málin hafa ekki fengist rannsökuð af lögreglu og Ríkissaksóknara því sönnunargögnin sem lögð hafa verið fram við þessi embætti hafa verið óhrekjanleg og smánin sem því myndi fylgja að upplýsa um niðurstöður slíkrar rannsóknar yrði íslenskri stjórnsýslu til ævarandi skammar.

Vegna yfirhylmingarstefnu stjórnvalda og dómstóla á þeim glæpum sem framdir hafa verið og mál ekki fengist rannsökuð hefur verið reynt að koma málum á framfæri á þeim samskiptamiðlum sem aðgengilegir eru s.s. blogginu. Fjölmiðlar, dagblöð o, útvarp og sjónvarp hafa ekki þorað að fjalla um málin eð þeim verið mútað til að þegja.

Því hefur verið gripið til þess ráðs að skrifa harðorðaðar greinar á blogginu til þess að láta reyna á hugrekki lögbrjótanna (dómaranna). M.a. sem dómurum hefur verið gefið að sök er að þeir væru siðblindir, réttarfarsnauðgarar, mannorðsmorðingjar, mannréttindaþjófar og þjófar o.fl.

Þetta hefur verið gert í þeim tilgangi að knýja lögbrjótana til þess að stefna undirrituðum fyrir dóm vegna meiðyrða.

Það skal ítrekað að enginn lögmaður hefur fengist til að reka mál fyrir dómi gegn dómara. Hafa lögmenn sagt að þeir geti hætt sem lögmenn ef þeir taki slík mál að sér vegna hefndarþorsta dómara gagnvart öllu mótlæti

Þeir glæpamenn (dómarar) sem kærðir hafa verið hafa allir kosið að þegja af ótta við að verða uppvísir af réttarfarsglæpum og komast á bekk með sakamönnum.

Með þögninni hafa þeir viðurkennt sín lögbrot (glæpaverk) enda er erfitt að tala um ærumeiðingar manna sem enga æru hafa. Haf þeir viðurkennt að sannanir fyrir misgjörðum þeirra við dómsuppkvaðningar sinna séu óhrekjanlegar.

Til að fyrirbyggja allan misskilning þá hafa greinarnar MEINDÝR GLÆPAVERKA verið sendar öllum þingmönnum þ.m.t. ráðherrum, dómstólum, ráðuneytum, lögregluembættum og fjölmiðlum. Greinar undirritaðs hafa allar verið skrifaðar undir fullu nafni og heimilisfangi svo að enginn vafi væri á því hverjum ætti að stefna fyrir dóm ef einhver æra var eftir.

Leitað hefur verið til þingmanna um aðstoð við að koma af stað umræðum á Alþingi varðandi umrædd skrif undirritaðs og þöggun stjórnvalda á kærumálum hjá lögreglu sem undirritaður hefur lagt fram. Er beðið eftir því hvort kjarkleysi hrjái alla alþingismenn eða einhver eða einhverjir hafi hugrekki til að leggja fyrirspurn fyrir Innanríkisráðherra varðandi yfirhylmingar Lögreglustjórans á höfuðborgarsvæðinu og Ríkissáttasemjara sem neitað hafa að rannsaka málin.

Íslendingar vilja vera taldir siðmenntaðir og á Íslandi ríki lýðræði þar sem allir eru jafnir fyrir lögunum en að á landinu séu ekki svín (Orwell) sem séu jafnari en aðrir þegnar landsins. Á meðan ekki verður brugðist við og svínin (Orwell) stöðvuð við ódæðisverk sín í stjórnsýslu og réttarkerfinu verður Ísland aldrei annað en Fasistaríki þar sem svínin ráða.

Taka verður ummæli formanns dómarafélagsins sem tilraun til að breiða yfir þær svívirðingar sem íslensk dómarastétt hefur komið íslensku réttarfari og samfélagi í með níðingsverkum sínum.

Íslendingar ættu að vera minnugir þess að vitnisburður Jóns Steinars Gunnlaugssonar fyrrverandi Hæstaréttardómara um starfsemi dómstóla er ekki hugarburður hans heldur reynsla af störfum sem dómari. Það að dómarar séu hefnigjarnir óþokkar eins og fram hefur komið í ummælum lögmanna sýnir að framferði íslenskra dómara er í sama anda og ríkti hjá GESTAPO í Þýskalandi á síðustu öld.

Formaður dómarafélagsins er ósáttur við skipun nefndar eins og ENDURUPPTÖKUNEFNDAR þar sem nefndarmenn eiga að veita umsögn um rekstur dómsmála sem sótt er um endurupptöku vegna galla á meðferð máls fyrir dómi og utanlagadóma. Með framgöngu formanns dómarafélagsins er hann að gefa yfirlýsingu um það að gjörðir guðanna (dómaranna) séu.

Því miður er nefnd þessi (endurupptökunefnd) aðeins skúringardeild réttarkerfisins.Þ.e. að verksvið hennar er aðeins ætlað að hvítþvo svívirðileg lögbrot (glæpaverk) sem framin eru af siðblindum dómurum.

Formaður dómarafélagsins telur að lögin um endurupptökunefnd standist ekki stjórnarskrá. Formaðurinn ætti að sjá sóma sinn í því að taka til í stétt dómara og tryggja það að dómarar fari að gildandi lögum og stjórnarskrá um meðferð mála fyrir dómi. Lagaákvæðin eru skýr um það að allir þegnar landsins eigi að vera jafnir fyrir lögum.

Þess er hvergi getið í stjórnarskrá eða gildandi lögum að dómarar hafi rétt til að kveða upp dóma utan gildandi laga og þar með sé engin heimild til handa dómurum að nota fölsuð gögn sem dómsorð eru byggð á.

Hér með er skorað á formann dómarafélagsins, Skúla Magnússon, að fara fram á það við Innanríkisráðuneytið að fram fari opinber rannsókn á ásökunum undirritaðs á hendur dómurum til að reyna að hreinsa mannorð lögbrjótanna eða fella guðina af stalli.

Reykjavík 25. september 2015

Kristján S. Guðmundsson

Árskógum 6 12 – 2

109 Reykjavík