Hvað er vandamál?

Fjölþjóðasamfélag er kappsmál nytsamra sakleysingja á Íslandi. Þessir sakleysingjar sem heimta fjölþjóðasamfélag og innflutning á framandi siðum og menningu hafa litla þekkingu á málum er varða trúarbrögð, menningu og siði þessara flóttamanna.

Þetta fólk, hinir nytsömu sakleysingjar, ætti að kynna sér þau vandamál sem upp eru komin á Norðurlöndum. Er vandamálið orðið svo alvarlegt í Svíþjóð að börn eru ekki örugg á leið í skóla eða heim frá skóla. Eru foreldrar farnir að keyra börnin til og frá skóla af ótta um öryggi barnanna vegna atvika er upp hafa komið á síðasta ári.

Konur eru ekki óhultar að vera einar á ferð eftir að skyggja tekur. Konur sem fóru út að hlaupa eftir vinnu áður en flóðalda flóttamanna skall á Svíþjóð þora ekki lengur út einar að kvöldi til af ótta við árásir útlendinga og eru árásir orðnar allmargar. Hafa árásir á börn og konur verið eins og smitsjúkdómur sem hefur breiðst út á síðasta ári.

Er ástandið orðið svo slæmt að það líkist stríðsástandi og óttaslegnir frumbyggjar Svíþjóðar eru orðin fangar í sínu heimalandi vegna aðfluttra hryðjuverkamanna sem hata konur.

Þetta ástand sem er orðið í Svíþjóð bíður okkar í framtíðinni með gengdarlausum flutningi á misjöfnum sauðum í hópi hinna svokölluðu flóttamanna. Það væri æskileg að hinir nytsömu sakleysingjar á Íslandi vöknuðu til lífsins af doðasvefni sjálfselsku og kynntu sér þau vandamál sem hafa komið upp í allri Evrópu við innrás flóttafólksins.

Ríkisstjórn Íslands er eins og villuráfandi sauður í þessum flóttamannamálum og eru pólitíkusar að reyna atkvæðaveiðar á þeim miðum sem hinir nytsömu sakleysingjar halda sig. Er þetta ríkisstjórn sem forsmáir þegna hins íslenska samfélags. Stefnt er að því að flytja stóran hóp flóttafólks til landsins og skaffa fólkinu húsnæði og lifibrauð (fjármagn) á sama tíma og fjöldi landsmanna er á hrakhólum vegna skorts á íbúðarhúsnæðis og aldraðir og öryrkjar líða skort, bæði fæði og lyf.

Samkvæmt fréttum er hópur barna sem lifir undir fátækramörkum á Íslandi á meðan stjórnvöld sóa hundruðum milljóna króna í gæluverkefni við atkvæðaveiðar.

Hrekkjalómarnir KNOLL og TOTT (forsætisráðherra og fjármálaráðherra) ættu að snúa sér að lausn þeirra vandamála sem herja á þegna landsins. Knoll og Tott voru kjörnir til að sinna innanríkismálum og halda friðsamlegu sambandi við aðrar þjóðir. Hrekkjalómarnir voru alls ekki kjörnir til að skipta sér af vandamálum heimsbyggðarinnar heldur leysa vandamálin innanlands.

Vandamálin innanlands s.s. fjárhagur aldraðra og öryrkja, húsnæðisvandræði svo og heilbrigðiskerfið og biðlistar hinna mörgu Íslendinga sem bíða eftir læknishjálp eru forgangsverkefni fram yfir gæluverkefni stjórnmálamanna, Hrekkjalóma.

Reykjavík 1.mars 2016

Kristján S.  Guðmundsson

fv. skipstjóri