Vísinda-bull

Stjórnvöld reyna af fremsta megni með vísindabulli sínu að kenna mannkyninu um það sem þeir kalla „HLÝNUN JARÐAR“.

Ef skoðaðar eru rannsóknir vísindamanna sem ekki eru sammála vísinda-bullinu um orsök hlýnunarinnar kemur í ljós að sveiflur í orkuflæði frá sólinni er og hefur verið breytilegt í gegnum aldirnar og má þar helst nefna svokallaðar ísaldir er herjað hafa á jörðina oftar en einu sinni.

Samkvæmt vísindarannsóknum sem birtar hafa verið sem fræðsluefni fyrir almenning í sjónvarps efni frá BBC kemur fram að sólin hafi verið miklu kaldari en hún er nú og hitabreyting sólarinnar hafi í gegnum milljónir alda umbreytt bæði plánetunum MERKÚR og VENUSI umtalsvert og það sé ekki spurning um hvort heldur hvenær komi að Jörðinni. Á næstu hundruðum milljóna ára megi gera ráð fyrir að sólin þenjist meira út og geri lífið erfitt á jörðinni.

Enn fremur má benda á bókina UNDUR VERALDAR frá árinu 1945 um gróður jarðar og breytingu á hitastigi á jörðinni.

Samkvæmt þessum kenningum vísindamanna stjórnvalda er það vísinda-skáldskapur að mannkynið sé að breyta hitastigi jarðarinnar með framkomu sinni (aðgerðum).

Þetta sem kalla má vísinda-bull er kenning einhverra hálf-vísindamanna sem sjá fram á að fá ekki nægjanlegt fjármagn til að halda vel launuðum störfum sínum nema koma fram með sína villukenningu um að hlýnunin jarðarinnar sé af mannavöldum. Ef skoðað er hve lengi vísindarannsóknir hafa staðið yfir með nákvæmri mælingu á hitastigi í lofthjúp jarðarinnar er það aðeins rúm 100 ár af þúsundum milljóna ára sem sólin hefur lýst upp og hitað jörðina. Af því sést að svokölluð gróðurhúsakenning stjórnvalda eru snöggsoðin vísindi sem eru án áreiðanlegra heimilda ef ekki tómur skáldskapur.

Pólitískir frama-gosar hafa gripið þessa falskenningar, um að loftslagsbreytingar séu af mannavöldum, í þeim eina tilgangi að auka skattbyrði almennings með nýjum sköttum sem kallaðir eru skattar til kolefnisjöfnunar eða einhverju álíka bulli.

Á hitt ber að líta að mannkynið sem heild má alveg huga betur að umgengni sinni um jörðina og minnka sóðaskap sem er ríkjandi varðandi rusl og aðra miður góða háttsemi í umgengni um jörð, sjó og vötn svo og lofthjúp jarðarinnar.

Ef þessir fals-spekingar eru reiðubúnir til að lýsa því yfir að allt sem áður hefur verið ritað um þróun jarðar og loftslag á jörðinni séu falskenningar (ósannindi), og þar með að aldrei hafi verið ísaldir á jörðinni eins og talið er, verður það tekið til athugunar. Fram að þeim tíma að slík yfirlýsing liggi fyrir verður litið á þessa kenningu, um að svokölluð hlýnun jarðar sé manninum að kenna, sem vísinda-bull.

Reykjavík 17, ágúst 2020

Kristján S. Guðmundsson

fv. skipstjóri