Kenningar -hugarfóstur takmarkaðs heilabús mannsins.

Kenningin um „MIKLA HVELL“ er aðeins hugmynd manns um upphaf alheimsins og án allra sannana en hefur ekki verið hrakin af spekingum geimvísindanna. Það sem vekur undrun er það að grundvallarspurningum sem hér verða látnar fylgja hefur ekki verið svarað og því Miklahvells kenningin aðeins hugdetta án sannana.

Því meira sem við lærum þeim mun minna vitum við.

Svo virðist sem allt það sem gerist í himingeimnum sé einhvers konar hringferill (hringrás) án tilgangs eða stefnu að einhverju marki. Ferillinn sé hringrás stöðugra breytinga og endurnýtingar (umbreytingar).

Þekking er góð ef hún er byggð á staðreyndum. Talin þekking sem eingöngu er byggð á óstaðfestum kenningum, en er aðeins hugarfóstur mikils hugsuðar, verður aldrei annað en skemmtiatriði. Kenning (hugarfóstur persónu) er blekking ef hún er ekki byggð á staðreyndum.

Kenning vísindamanna um að himingeimurinn sé að þenjast út er blekking og er þar aðeins um að ræða hugsanlega tilfærslu ákveðinna stjörnukerfa eða allra innan alheimsins. Himingeimurinn getur varla haft endamörk því þá vantar svarið við því hvað er handan þeirra endimarka.

Takmarkað heilabú mannsins hefur lengi átt í vanda með að skilja að himingeimurinn sé endalaus (ótakmörkuð víðátta) þar sem vantað hefur skýringu á því hvað væri hinum megin við þau hugsanlegu endamörk.

Hugtökin upphaf og endir eru aðeins hvort um sig þættir í (atriði) form- eða eðlisbreytingum sem stöðugt eiga sér stað í hringrásarferli því sem maðurinn skynjar í kringum sig.

SPURNINGAR sem vantar svör við.

Orsök --- afleiðing

orsök=gjörðir, afleiðing=það sem verður!

Er til upphaf og endir á því sem fellur undir náttúrufyrirbærið Mikla hvell, þ.m.t. himingeimurinn allur?

Er himingeimurinn að þenjast út? Ef himingeimurinn er að þenjast út, í hvaða rými verður sú þensla? Var það rými til fyrir Miklahvell?

Er hugsanlegt að það sem vísindamenn kalla að himingeimurinn sé að þenjast út sé um að ræða færslu stjörnuþoka (GALAX‘IA) innan himingeimsins og fjarlægist t.d. okkar sólkerfi og önnur?

Er hugsanlegt að þar sé um að ræða svokallaða eigin hringfærslu stjörnuþoka í himingeimnum sbr. hringfærslu jarðar um sólu? Er til eitthvað sem kallast endamörk himingeimsins?

Ef himingeimurinn hefur endamörk; Hvað er hinum megin við þau endamörk?

Er himingeimurinn kúlulaga, kassalaga eða hefur hann eitthvað annað form?

Hvað var til á undan „Mikla hvelli“?

Kenningin um að ekkert eyðist og ekkert verði til af engu vekur spurningar um gildi kenningarinnar um Mikla hvell!

Hvað var það sem gerðist við mikla hvell?

Var það eitthvað sem sundraðist við Mikla HVELL?

Er það ljóst hvað það var sem orsakaði svokallaðan „Mikla hvell“?

Er aldursgreining vísindamanna á ímynduðum tíma „MIKLA HVELLS“ byggður á vísindalegum sönnunum eða er þetta hugarfóstur (kenning) aðeins til að gera kenninguna sennilegri?

Nær hugtakið „MIKLI HVELLUR“ yfir allt himinhvolfið eða er það aðeins hluti af himingeimnum s.s. eins og sá hluti sem sólkerfi okkar er talið tilheyra (Milky way) innan um milljónir af öðrum sambærilegum stjörnuþokum?

Hafa ekki orðið sambærilegir atburðir og hinn svokallaði Mikli hvellur marg oft í himinhvolfinu í fortíðinni og eiga ekki slík atvik eftir að ske oft um ókomna tíma, ef slíkt hefur gerst sem kallað er Miklihvellur? Var einhver orka eftir í þeim einingum sem urðu til við (eftir) Mikla hvell?

Ef orka var falin í þeim einingum sem urðu til við Miklahvell; Hvers konar orka var það?

Er til meiri hraði en ljóshraði? Ef slíkt fyrirbæri er til; Hve mikill hraði er það?

Orka er talinn kraftur (afl) til framkvæmda og talað um stöðuorku og hreyfiorku; Hvað er aflmesta orka sem þekkt er?

Enn fremur er til það sem kallað er aðdráttarafl (þyngdarkraftur, miðsóknarafl) og einnig miðflóttaafl andstætt miðsóknarafli. Þessir tveir kraftar, hvað uppruna þeirra og orkugjafa varðar, eru óskýrðir. Með vísan til orsaka og afleiðinga má nefna jarðelda (eldgos) og jarðskjálfta. Engar skýringar eru finnanlegar á uppruna og tilgangi þeirra krafta sem þar eru á ferð.

Hvað er það sem orsakar hina svokölluðu fleka hreyfingu jarðskorpu flekanna?

Hvað kallast sú orka sem heldur himinhnöttum – sólum tunglum og öðrum fyrirbærum himingeimsins á brautum sínum, hvaðan kemur sú orka og hvert er upphaf hennar?

Er þekktur miðpunktur þess orkugjafa er stjórnar staðsetningu og hreyfingum himinhnatta? Er um að ræða fleiri en einn orkuþátt í því ferli?

Hvað er neikvæð orka?

Hvar í himinhvolfinu er talin miðstöð þeirra krafta sem kallast aðdráttarafl og miðflóttaafl?

Hvaða tilgang hafa upplýsingar, fyrir mannkynið, um himinhnetti (plánetur) sem eru í margra ljósára fjarlægð og upplýsingarnar eru jafn gamlar og ljósárafjarlægðin er og því aldrei í rauntíma?

Er einhver skynsemi í því hjá mannskepnunni að hugleiða flótta frá jörðinni til einhverrar annarrar plánetu í mörgum tugum eða hundruðum ljósára fjarlægð (við hugsanlega útþenslu sólarinnar) ferðalag sem tæki mannskepnuna mörg hundruð ár ef það ferðalag væri yfirhöfuð framkvæmanlegt?

Talið er að orka sólarinnar komi frá vetni. Hvar og hvernig er vetnisforðabú sólarinnar sem lýst hefur upp umhverfi hennar í milljónir ára og sagt er að muni endast í enn fleiri milljónir ára?

Sagður vetnisbruni í sólinni umbreytist í varmaorku og lýsingu.

Er kjarni sólarinnar efni sem sundrast í frumeindir sínar, frumefnið vetni?

Talið er að rúmtak sólarinnar eigi eftir að þenjast út á milljónum ára og ná yfir Merkúr sem er næst sólu af plánetunum og jafnvel enn þá víðtækari þensla sólarinnar. Er ástæðan talin sú að kjarni sólarinnar umbreytist hraðar í vetni eða hvaðan kemur hið hugsanlega vetni sem myndi orsaka stækkun á eldkringlu sólarinnar?

Svarthol er talið eitt af fyrirbærum alheimsins. Samkvæmt fréttum eru til mörg svarthol í himingeimnum. Svarthol eru talin fyrirbæri í alheiminum sem búa yfir ofurkrafti aðdráttarafls sem yfirgnæfir andstæðukraft aðdráttarafls þannig að ekkert sem komi innan orkusviðs svarthols komist í burtu og ekki einu sinni ljósgeisli.

Hve stórt er orkusvið svarthols (aðdráttarafl)? Er það þekkt? Hvað er það sem stjórnar slíku orkusviði og krafti sem talið er að búi í svartholi?

Hver er hugsanlegur tilgangur með svartholi? ((Hver er þá tilgangurinn?))

Ef ekki er neinn sérstakur tilgangur með svartholi til hvers er það þá?

Er hugsanlegt að svarthol hafi verið fyrirbæri er Mikli hvellur hafi átt upptök sín í?

Þar sem plánetur eru taldar vera til innan fjölda sólkerfa og ekki einskorðast við okkar sólkerfi er ósvarað þeirri spurningu; Hvað veldur því að sumar plánetur eru úr bergtegundum eða föstum efnum en aðrar eru taldar vera eingöngu gastegundir en á milli plánetanna er ekkert mælanlegt gas en eitthvað af svokölluðu geimrusli eða hlutum úr föstum efnum?

Í framhaldi af þessu er hægt að koma með fjölda spurninga sem ekki hefur verið svarað enn þá og eru þar grundvallarspurningar;

Hvort einhver tilgangur sé með þessari tilvist?

Hvernig hugsar maður sér að ekkert væri til (algert núll á tilveru)?

Svarið við óendanlegu himinhvolfi er erfitt að gefa eins og varðandi að ekkert væri til, algert núll. Takmarkaður mannsheili er óhæfur til að skilja „ekki neitt” eða óendanleika einhvers.

Reykjavík 5. október 2020.

Kristján S. Guðmundsson

fv. skipstjóri

Athugasemdir

[Jónas Gunnlaugsson, 5.10.2020 kl. 22:24]

Hugleikur.

Israeli scientist builds ""black hole"" in his lab. Leading physicist Stephen Hawking proposed years ago that photons of energy "leaked" off of the sides of a waning black hole, returning the energy to the earth.

Jónas Gunnlaugsson | 17. ágúst 2016

Israeli scientist builds 'black hole' in his lab http://www.israelnationalnews.com/News/News.aspx/216535 Technion researcher Jeff Steinhauer made waves in the scientific community when he proved a decades-old theory that black holes give back. Rachel

Þetta kalla ég Hornsílaskilning.

Jónas Gunnlaugsson | 1. febrúar 2016

Vísindi Hornsílisins. Nústaðreynda trú. Mikli hvellur Hornsílisins. Hornsílið synti að hylnum undir fossinum, og sá og fann að það kom stanslaus straumur af vatni, frá vissu svæði í hylnum. Hornsílið gat ekki skynjað vatnið sem féll fram af fossbrúninni

Mikli hvellur, Big bang er svarthol

Jónas Gunnlaugsson | 10. desember 2014

Mikli hvellur, Big bang er svarthol. Við erum að reyna að skoða annan endann á svartholinu, útstreymis endann, og köllum það miklakvell. Þarna kemur streymið inn í okkar heim. Straumurinn fer svo áfram út um okkar svarthol. Díóða, ? það er

[Jónas Gunnlaugsson, 5.10.2020 kl. 23:44]

Ég gleymdi að taka myndirnar, fyrirgefðu.