Opið bréf til Landlæknis

Erindi þetta er sent var embætti Landlæknis til að sýna þróun skjalafals og skottulækninga undir stjórn embættis Landlæknis. Til að koma í veg fyrir skjalafals skottulækna þarf sjúklingur að afhenda skottulækni skriflega frásögn um það sem hann leitar til læknisins varðandi. Vera með frásögn í tvíriti og fá áritun læknis á annað eintakið. Ef slíkt er gert er erfitt fyrir skottulækni að falsa frásögn með rangri skráningu í sjúkraskrá.

Bitur reynsla af samskiptum við skottulækna.

((Með vísan til dóms Héraðsdóms frá árunum 1952-1954 þá var skipstjóri sviptur réttindum sem skipstjóri fyrir að hafa bókað orðið neðan í stað orðsins ofan í dagbók skipsins eins og dómarinn komst að orði)). Var þar vísað til skjalafals.

Landlæknir Katrínartún

B/t frú Ölmu D. Möller

Undirritaður þakkar bréf dagsett 6. júní 2024 þar sem viðurkennt er skriflega að embætti Landlæknis er einungis til að verja skjalafölsun skottulækna sem eru hluti af heilbrigðiskerfi Íslendinga.

Skottulæknir er persóna sem þykist vera læknir en skortir þekkingu í læknisfræði. Persóna er gefur sjúklingi er leitar til hans rangan og upp-skáldaðan úrskurð um eðli sjúkdóms sem sjúklingur kvartar undan. Persóna sem þarf að fegra vankunnáttu sína með bókun ósanninda í lögbundna sjúkraskrá í þeim eina tilgangi að sverta málsstað sjúklings.

Þrátt fyrir ákvæði laga um skyldu til að varðveita aðsend gögn sem berast embætti Landlæknis gerir undirritaður ekki ráð fyrir að þetta skjal verði varðveitt. Því verði eytt vegna þess hve neikvætt það er fyrir embættið.

Eins og áður hefur komið fram í skriflegum erindum er undirritaður hefur sent embættinu hafa svör frá embætti Landlæknis verið all undarleg og borið keim af varðhundsverkefni embættisins eins og bent hefur verið á.

Málflutningur starfsmanna embættisins hafa markvisst miðast við að hvítþvo þau glæpaverk sem unnin eru af skottulæknum heilbrigðiskerfisins sem felst í skjalafölsun. Sá glæpur embættismanna Landlæknisembættisins að afgreiða athugasemdir sjúklinga með orðum Orð gegn ORÐI og afgreiða þar með frásagnir sjúklinga sem ósannindi er staðfesting á samsekt starfsmanna Landlæknis sem skjalafalsara.

Skráning rakalausra ósanninda lækna í sjúkraskrá í skjóli laga nr. 55/2009 og samþykkis embættis Landlæknis (um einkarétt lækna til skráninga) er andstætt hegningarlögum sem kveða á um refsingu við skjalafalsi þ.e. skráning ósanninda í skýrslur sem skylt er að skrá samkvæmt lögum.

Eins og embætti Landlæknis hefur verið kynnt af undirrituðum er stór hluti þess sem umræddir tveir læknar hafa skráð í sjúkraskrá undirritaðs hrein ósannindi sem hefur verið afgreitt af embætti Landlæknis að frásögn undirritaðs sé aðeins ORÐ gegn ORÐI og hefur ekki verið framkvæmd nein rannsókn á skráðum staðhæfingum læknanna og skráning þeirra tekin sem heilagur sannleikur þótt um hreina lýgi sé að ræða. Ekki hefur fengist fram nein leiðrétting á hinum fölsku bókunum í sjúkraskrá undirritaðs.

Skottulæknirinn (má ekki birta nafn) bókaði í sjúkraskrá í nóvember 2016 að orsök krankleika undirritaðs væri aukaverkanir lyfsins CORDARONE. Hún hafði ekki fyrir því að tilkynna undirrituðum um þessa niðurstöðu fyrr en 19. maí. 2017 þ.e. um 6 mánuðum seinna. Undirritaður varð því að nota eiturlyfið Cordarone 6 mánuðum lengur en ástæða var til ef læknirinn hefði haft manndóm í sér til að tilkynna sjúklingi um niðurstöður sínar í nóvember 2016.

Ef tilkynnt hefði verið um orsök vandamálsins er væri lyfið Cordarone í nóvember 2016 hefði verið hætt notkun lyfsins samdægurs.

Er þar komin ástæða fyrir fölsun skottulæknisins (má ekki birta nafn) fyrir falsbókun hennar um að undirritaður hafi sagt að hann hafi hætt notkun lyfsins Cordarone í ágúst 2016. Er þar komin hrein fölsun frúarinnar því undirritaður hafði aldrei orð á slíku.

Samkvæmt bókun í sjúkraskrá undirritaðs eftir rannsókn árið 2012 var ekki talin þá nein hætta á spinal stenosis. Skottulæknirinn (má ekki birta nafn) var í skottulækningum með úrskurði sínum á árinu 2013 er undirritaður kvartaði við hann um slæma verki í fótum neðan ökla. (má ekki birta nafn) fullyrti að um væri að ræða spinal stenosis án nokkurrar rannsóknar.

Skottulæknirinn (má ekki birta nafn) nýtti sér einnig einkaleyfi sitt til bókunar í sjúkraskrá. Ósannindaskráning hans felst í bókun. Falsbókun (má ekki birta nafn) þar sem hann upplýsti og vísað er á sjúkratryggingar um að það hafi verið svæsin taugaeinkenni í allt að tuttugu ár hjá undirrituðum. Er heimatilbúin frásögn stefnda (má ekki birta nafn) og er ósannindi. Er þetta besta skýring á þeirri hættu sem fylgir einhliða bókun heilbrigðisstarfsmanna í sjúkraskrá og sýnir ósanninda vaðalinn sem geisar þar.

Var þarna um að ræða kvartanir undirritaðs við lækni vegna slits á liðþófum í hnjám og einkum vinstri fótar. Svar skottulæknisins var alltaf að undirritaður væri ekki kandidat í liðþófa skifti í hné. Var undirrituðum neitað um aðgerð sem felst í að setja gervilið í hné.

Vísast þar til röntgenmynda er teknar voru 12. febrúar 2019 er læknirinn fékkst til að heimila frekari rannsókn. Afrit af röntgenmyndum er fyrirliggjandi.

Undirritaður hefur orðið að ganga í gegnum um 15 ára tímabil með tilheyrandi verkjum í fótum vegna slits á liðþófum í hnjám. Þetta eru skottulæknar sem Landlæknir ver af hörku varðhundsins en tekur ekkert tillit til frásagnar sjúklings.

Lög um bókanir sjúkraskrár eru stórhættuleg fyrir sjúklinga vegna skáldskaparáráttu heilbrigðisstarfsmanna og ósannindaskráningar. Ákvæði laganna um heimild heilbrigðisstarfsmanna til breytinga á skráningum í sjúkraskrá er opin leið til falsana og ósannindaskráninga til tjóns fyrir sjúklinga eins og sýnt hefur verið fram á með því sem hér er skráð.

Þegar alvarleg mistök hafa verið gerð af lækni eins og í þessu tilviki er að mati læknisins betra að ljúga öllu til og sverta málsstað sjúklingsins með lygun en að viðurkenna að hann læknirinn hafi gert mistök sem kostað hafa sjúkling heilsuna.

Lög nr. 55/2009 eru stórhættuleg fyrir sjúklinga en sniðin að þörfum lækna, og þá einkum þeirra sem hafa skottulækna titilinn í heilbrigðiskerfinu, til að falsa frásagnir í skráningu þegar þarf að bjarga sér út úr skottulækninga mistökum eins og í þessu tilvik sem hér er skráð um.

Ef Landlækni hefur ekki verið ljóst um einn alvarlegan þátt í fölsun skráningarkerfisins þá er ekkert að marka skráningu um afgreiðslu tíma og magn lyfja sem afgreidd eru því læknar geta gefið fyrirmæli til afgreiðslustöðva lyfja , Lyfjaverslana, um að strika út afgreiðslu lyfja eftir því hvað hentar hverjum lækni á hverjum tíma. Er þar nærtækast afgreiðsla eiturlyfsins Cordarone sem undirritaður fékk afgreitt til apríl 2017 en finnst ekki á skrá hjá lyfjaversluninni Garðsapótek en þaðan voru öll lyf fengin á árunum 2004 til ársins 2019 en þar finnst ekkert um fjórar afgreiðslur lyfsins Cordaron frá apríl 2016 til apríl 2017 er síðasta afgreiðsla lyfsins fékkst þar því hætt var notkun lyfsins 19. maí 2017.

Í ljósi þeirra upplýsinga er lágu fyrir um lyfjaóþol, lyfjaofnæmi, um áramótin 2012 og 2013 mátti skottulækninum (má ekki birta nafn) vera ljóst þegar kvartað var við hann á árinu 2013 að ástæða var til sérstakrar aðgæslu og kveða ekki upp falskan úrskurð um spinola stenosis bullið sem einkenndi svör hans þar til í mars 2016. Þegar kvartað var við hann í mars 2016um að meinsemdin væri komin upp í brjóstkassa. Þá sagði lækniinn (má ekki birta nafn)– þá getur þetta ekki verið spinal stenosis fyrst það er komið upp fyrir mitti. Hann lagði til að kallaður yrði til taugalæknir og nefndi (má ekki birta nafn).

Skottulæknis kennd (má ekki birta nafn) var slík að þrátt fyrir skýr ákvæði í lögum nr. 55/2009 um hvað skuli skrá í sjúkraskrá þá er ekkert skráð af skottulækninum um ástæðu þess að leitað var til frú (má ekki birta nafn). Er þar þverskurður af einkaréttar ákvæði laganna um skráningu í sjúkraskrá.

Sagðist hann senda tölvupóst á meðan ég var á stofu hans án þess að ég sæi hvert hann sendi eða hvað hann sendi. Mikið var slegið á lyklaborðið.

Um sex mánuðum seinna var læknir (má ekki birta nafn) aftur heimsóttur þar sem ekkert hafði heyrst frá taugasérfræðingnum (10. ágúst 2016). (Má ekki birta nafn læknis) sagðist ítreka beiðnina á meðan ég væri á stofunni og lék heil mikið á lyklaborðið og tók ég hann trúanlegan og véfengdi ekki það sem hann sagði.

Í nóvember 2016 fékk ég síma boð um tíma hjá frú (má ekki birta nafn læknis) hinn 16. nóvember 2016 kl. 13;30.

Undirritaður er viðbúinn því að verða stemmt fyrir meiðyrði með þessum skrifum. Verður því tekið ef til þess kemur en slíkt myndi leiða til þess að vitneskja um skjalafals og skottulækningar í heilbrigðiskerfinu á Íslandi yrði upplýst.

Farið er sérstaklega fram á að fá sent skriflegt svar frá landlækni og undirritað af frú Landlækni sem staðfestingu á að frúin hafi fengið að sjá skjalið en málið ekki afgreitt án hennar vitundar. Berist ekki viðurkenning fyrir móttöku þessa erindis er það viðurkenning á að mál eru afgreidd án hennar vitneskju og mun leiða til þess að erindið verði gert opinbert.

Veittur er sjö daga frestur til að svara eða til 28. júní 2024. Kveðjur.

Reykjavík 21. júní 2024

Kristján S. Guðmundsson

Kt. 2209342769