Heilbrigðisþjónusta sem ekki er fyrir sjúklinga

Heilbrigðisþjónusta sem ekki er fyrir sjúklinga. Þótt margt gott megi segja um þá heilbrigðisþjónustu sem í boði er þá eru of mörg tilfelli í þjónustunni sem bera keim af fégræðgi þjónustuaðila. Er þar fremst í flokki svokölluð sjúkraskrá sem í mörgum tilvikum er einhliða skráning án þess að vera sannleikur. Sem dæmi um óskiljanlegan áhuga heilbrigðisstarfsmanna á þeim tilvikum sem kölluð eru sjálfsvíg er einhliða bókun heilbrigðisstarfsmanna. Sjálfsvíg eru skráð skilmerkilega af yfirstjórn heilbrigðismála.

Hver tilgangurinn er með þessari skráningu getur ekki verið í þágu sjúklinga þar sem vísbendingar eru um það að sjálfsvíg má rekja til eitur áhrifa lyfja sem ávísað er eftirlitslaust.

Hvað hafa mörg sjálfsvíg farið fram vegna afleiðinga heilsuskerðingar viðkomandi af völdum hættulegra lyfja. Afleiðingar aukaverkana lyfs sem viðkomandi taldi þess eðlis að framhalds líf yrði hvalræði.

Öll svokölluð lyf geta haft neikvæð áhrif á heilsu sjúklings og sum þeirra eru stór skaðleg.

Á Íslandi er engin örugg skráning á hinni neikvæðu virkni svokallaðra lyfja. Stofnun sem kölluð er Lyfjastofnun er talin eiga að sjá um skráningu aukaverkana lyfja.

Vandamálið er að þeir sem ávísa lyfi er ekki gert skylt að fylgjast með því hvort þekktar aukaverkanir eða óþekktar komi fram vegna lyfs. Læknum á að vera skylt þegar sjúklingur kemur og kvartar um krankleika sem ekki er strax ljóst hver orsökin sé að kanna öll lyf sem sjúklingi hefur verið ávísað af læknum. Þetta á ekki bara við þann lækni sem ávísar lyfinu heldur alla lækna sem sjúklingur leitar til með krankleika sem ekki er augljós ástæða fyrir.

Samkvæmt reynslu eru fáar tilkynningar um aukaverkanir sem berast til lyfjastofnunar fyrir utan það að ekkert skipulag er á skráningu aukaverkana lyfja og ekki hægt að fá upplýsingar um tíðni aukaverkana af völdum lyfs né eðli þeirra.

Sjúklingar sem verða fyrir alvarlegum heilsuskaða af völdum þeirra lyfja sem kalla má eiturlyf, þar sem þekktar eru mjög alvarlegar aukaverkanir, eru varnarlausir í lélegri heilbrigðisþjónustu. Dæmi er um að þekktar séu alvarlegar aukaverkanir lyfs frá árinu 1976 sem ávísað er eftirlitslaust. Auk þess eru þekktar mjög alvarlegar aukaverkanir lyfsins frá Svíþjóð á síðustu árum en læknir á Íslandi er sofandi og úrskurðar ranga sjúkdómsgreiningu árum saman þegar sjúklingur kvartar við hann. Af því að sjúklingur sagði ekki lækninum að orsökin af krankleika sínum væri notkun á umr

æddu lyfi og hætti notkun á lyfinu er hann talin ábyrgur á skaðanum á heilsu sinni af völdum eiturlyfsins, af hálfu Sjúkratrygginga Íslands, en ekki heilbrigðisyfirvöld sem ávísa eiturlyfinu.

Þrátt fyrir ítrekaðar ábendingar um skaðsemi svokallaðrar sjúkraskrár sem sent hefur verið til Heilbrigðisráðuneytisins hefur ekki verið talin ástæða til að stöðva fölsku skráningarnar sem eiga sér stað í einhliða skráningu heilbrigðisstarfsmanna.. Á sama tíma berst heilbrigðisráðherra fyrir því að aflétta ábyrgð allra er starfa við heilbrigðisþjónustu á gjörðum sínum..

Er það spurning hvort slík þjónkun við takmarkaðan starfshóp íslenskra þegna á ábyrgð sinni á störfum standist ákvæði stjórnarskrár Íslands.

Í stað gæluverkefnis heilbrigðisstarfsmanna á skráningu svokallaðra sjálfsvíga væri nær fyrir þessa deild stjórnsýslunnar, Heilbrigðisráðuneytið, að efla skráningu á dauðsföllum og alvarlegum heilsuskerðingum margra landsmanna af völdum lyfja sem ávísað er af fulltrúum stjórnvalda. Lyfja sem vitneskja er um stórhættulegar aukaverkanir er hugsanlega hafa leitt til dauða margra og alvarlegs skaða á heilsu enn fleiri.

Hin eitraða skráning falskrar sjúkraskrár hefur falið þessa þætti galla í heilbrigðisþjónustu landsmanna en telja verður heilbrigðisþjónustu lélega á meðan ekki er bætt úr ákvæðum laga um skráningu ósanninda í sjúkraskrá og eftirlit og skráningu vandamála er tengjast eituráhrifum hinna svokölluðu löglegu lyfja.

Ef læknir kveður upp úrskurð um sjúkdómsgreiningu hjá sjúklingi sem er röng greining sjúkdóms heldur vitleysan áfram stjórnlaust í öllu heilbrigðiskerfinu sjúklingi til tjóns.

Með þessum orðum er ekki verið að segja að allir starfsmenn heilbrigðisþjónustunnar skrái ósannindi í sjúkraskrá en ósannindaskráning tveggja lækna er tveimur of mikið.

Reykjavík 13. ágúst 2023

Kristján S. Guðmundsson

Kt. 220934-2679

Hvalalosti

Nokkrir Íslendingar hafa tjáð sig um hvalveiðar og talið þær ómannúðlegar.

Ekki hefur heyrst í þessum spekingum hvað varðar að hvelja lax eða aðra vatnafiski sér til ánægju.

Nú er herferð í gangi hjá svokölluðum sportveiðimönnum sem veiða vatnafisk þar sem farið er fram á að veiðimenn sleppi þeim fiskum sem þeir dragi á land. Spekingarnir sem boða það að sleppa vatnafiskum sem þeir veiða hafa ekki minnst á hvaða skaða veiðinveitir fiskunum.

Þessi gáfnasljós hafa ekki hugleitt hvaða skaða öngullinn og barátta fisksins til að losna af önglinum veldur fiskinum fyrir utan það að slíta síðan öngulinn úr kjafti fisksins með tilheyrandi skaða fyrir fiskinn áður en honum er sleppt.

Þeir sem stunda það ódæði eða hvalalosta við veiðar á vatnafiski að sleppa fiskinum eftir að hafa pínt hann þann tíma sem tekið hefur að draga fiskinn að landi ættu að hætta veiðum og sýna þá manngæsku að vera ekki að kvelja fiskinn sér til ánægju.

Það embætti sem hefur eftirlit með dýraníði ætti að snúa sér að því að stöðva það dýraníð sem fram fer hjá veiðimönnum sem veiða fisk á krókaveiðarfæri í ám og vötnum aðeins til að fullnægja dýraníðsfíkn sinni með því að sleppa fiskinum. Stjórnvöld eiga að banna veiðar með krókaveiðarfæri í ám og vötnum á meðan talin er þörf vegna viðhalds fiskistofnsins að sleppa þeim fiskum sem veiðast.

Þeir sem reyna að halda því fram að fiskar séu tilfinningalausir eiga að prófa að gleypa spoon (þriggja króka veiðarfæri) og reyna sjálfir hvernig það virkar.

Það upphlaup sem orðið hefur í þjóðfélaginu vegna hvalveiða er undarlegt í ljósi þess dýraníðs sem fram fer varðandi veiðar á vatnafiskum á krókaveiðarfæri aðeins til að sleppa fiskinum eftir að hann hefur verið dregin á land.

Reykjavík 15. júní 2023

Kristján S. Guðmundsson

Fv. skipstjóri

Alþingi og lagasetning

Með dómi héraðsdóms varðandi greiðslur bóta til handa útgerðum vegna veitinga leyfa til veiða á makríl er sönnun þess að Alþingi er aðeins sýndarstofnun.

Þrátt fyrir að því hafi verið haldið fram af gáfnaljósunum sem setið hafa á Alþingi síðustu fjörutíu árin, að aflaheimildir um veiði á fiski í sjónum kringum Íslands væri þjóðareign, er komið fram að samþykkt Alþingis er og hefur verið sýndarmennska.

Útgerðarmenn telja aflaheimildir sem veiddar hafa verið síðan svokallað kvótakerfi var innleitt séu eign útgerðarmanna. Þrátt fyrir skráningu í lögum frá Alþingi taka dómarar ekkert mark á lagabókstafnum heldur telja sig hafa rétt til að túlka lögin að eigin geðþótta. M.ö.o. að lagabókstafurinn er aðeins sýndargjörningur en þeir, dómarar, hafi rétt til að túlka lagagildið að eigin geðþótta.

Er með þessum dómi héraðsdóms orðið ljósara að samþykktir Alþings hvað varðar lagasetningu er tóm sýndarmennska. Illa og óskýrt orðalag laga frá Alþingi er þar með orðið ljóst að lagasetning á Íslandi er í höndum dómara en ekki Alþingis.

Bullukollur á Alþingi eru allar í framboðsferli með bulli sínu á þingfundum og er aðeins framboðs bull fyrir næstu kosningar til Alþingis en ekki þjónusta við almenning við setningu laga sem almenningur geti farið eftir.

Reykjavík 7. júní 2023

Kristján s. Guðmundsson

Fv. skipstjóri

Pólitískt ofstæki.

Á Alþingi heldur áfram hið undarlega pólitíska skítkast þeirra sem standa að stjórnarandstöðu. Í ræðum þessara aðila kemur ekkert fram um raunveruleg vandamál samfélagsins heldur aðeins innihaldslaust skítkast þessara aðila um pólitíska andstæðinga.

Eitt helsta vandamál íslensks samfélags hefur verið skortur á húsnæði og hafa stjórnarandstæðingar haft mörg og stór orð um ástandið. Þessir ofstækisfullu stjórnarandstæðingar Píratar, Samfylkingin og Flokkur fólksins hafa ekki viljað sjá þá meinsemd er veldur skorti á húsnæði.

Hinir ofstækisfullu pólitíkusar hafa horft viljandi fram hjá því vandamáli er hefur skapast með stjórnlausum innflutningi á fólki. Að flytja inn um 30000 manns á nokkrum árum með tilheyrandi kostnaði fyrir ríkissjóð og samfélagið í heild hefur kallað fram það vandamál sem íslenskt samfélag stendur frammi fyrir núna, skortur á húsnæði.

Þeir ofstækisfullu stjórnarandstæðingar hafa ekki komið með neinar vitrænar tillögur í ræðum sínum heldur aðeins pólitískt skítkast til að reyna að sverta stjórnarliða.

Eina raunhæfa aðgerð stjórnvalda við vandamálinu er að stöðva alveg eða að mestu leiti komu fólks til landsins til langframa búsetu á meðan ekki er hægt að bjóða viðunandi húsnæði.

Það er ljóður á Alþingi Íslendinga að þingmenn skuli ekki vera skyldugir til að vera málefnalegir í málflutningi sínum og pólitískt skítkast bannað. Lög frá Alþingi eru illa orðuð og oft marklaus þar sem þingmenn hugsa meira um skítkast í sínum málflutningi en skynsamlegt orðalag og skiljanlegt í taxta laga. Það á að banna sjónvarpsútsendingar frá þingfundum því fjöldi þingmanna telur að þingfundirnir séu framboðsfundir fyrir þá sjálfa og telja skítkastið sé vænlegast til árangurs.

Hin stjórnlausa fjölgun dómsmála er orsök hins lélega orðalags á lögum frá Alþingi. Þetta hefur leitt til þess að Alþingi Íslendinga er aðeins sýndarmennska og raunveruleg lagasetning er falið misvitrum aðilum sem kallaðir eru dómarar. Dómurum er falið að túlka meiningu hinna illa orðuðu laga sem hægt er að túlka á marga vegu.

Reykjavík 27. maí 2023

Kristján S. Guðmundsson

Fv. skipstjóri

Ósannindavaðall

Ósannindavaðall Á Íslandi eru fyrirtæki eða stofnanir sem hafa atvinnu við að breiða út ósannindi. Má þar benda á GALLUP og fleiri slík fyrirtæki.

Þetta eru fyrirtæki sem á skipulagðan hátt dreifa ósannindum viljandi eða af undarlegri fákunnáttu.

Ef upplýsingar eru réttar eru upplýsingar sem kallaðar eru skoðanakannanir framkvæmdar af starfsmönnum þessara fyrirtækja með því að hringja í fólk og spyrja svarendur leiðandi spurninga. Þess er ekki getið að starfsmönnum þessara fyrirtækja er bannað að hringja í u.þ.b. 50% landsmanna og hefur verið svo frá síðustu árum síðustu aldar.

Þar af leiðandi eru allar svokallaðar skoðanakannanir og upplýsingar úr þeim hreinar falsanir. Þetta eru upplýsingar sem fengnar eru hjá fólki sem hefur ánægju af því að vera spurt um átlit og telja sig þar með vera í sviðsljósinu. Einnig má geta þess að fjöldi þeirra sem spurðir eru er u.þ.b. 2% af þjóðinni. Af þessum tveimur prósentum er innan við helmingur sem gefur upp álit sitt á spurningunni sem beint er til þeirra. Niðurstöður stjórnenda þessara fyrirtækja sem stunda skoðanakannanir stunda það að dreifa ósannindum sem fengnar eru með heimatilbúnum upplýsingum.

Væri nær að koma starfsmönnunum úr atvinnubótavinnu við það sem kallast skoðanakönnun í arðbær störf innan samfélagsins þar sem skortur eru á vinnuafli í störfum er auka hagvöxt þjóðarinnar.

Niðurstöður svokallaðra skoðanakannana eru heimatilbúin ósannindi.

Reykjavík 8. mars 2023

Kristján S. Guðmundsson

Fv. skipstjóri

Heilbrigðisráðherra og ábyrgð.

Fram er komið loforð heilbrigðisráðherra að gera ákveðnar stéttir í landinu óábyrgar gerða sinna.

Samkvæmt fréttum er komið fram lagafrumvarp er undan þiggur allar heilbrigðisstéttir ábyrgð gjörða sinna og er ætlunin að ábyrgðinni sé velt yfir á fyrirtæki eða stofnanir er viðkomandi sé talinn starfa fyrir þar með talin eigin ehf.

Er þetta sett fram á sama tíma og ótal fjöldi kvartana hafa borist landlækni er varða skráningu ósanninda í svokallaða sjúkraskrá. Ósanninda sem skráð eru, er sannanlega hafa orsakað skaða á heilsu sjúklinga.

Er stóra spurningin sú hvort heimild sé í stjórnarskrá landsins fyrir ráðherra til að hygla ákveðnum starfsstéttum með slíkri undanþágu á ábyrgð gjörða sinna á meðan aðrir þegnar landsins þurfa að bera ábyrgð á gjörðum sínum.

Á meðan ráðherra bruggar slík launráð gegn þegnum landsins öðrum en hinum völdu starfsstéttum er hann hyggst hygla þá hefur hann ekki talið ástæðu til að koma í veg fyrir ósanninda og falsanir í skráningu í sjúkraskrá landsmanna. Ósannindaskráningar og falsanir á skráningu í sjúkraskrár er hafa þegar valdið stóralvarlegum heilsuskaða hjá sjúklingum.

Það skal tekið fram að heilbrigðisstarfsmenn eru þeir einu er fá að koma nálægt skráningu í sjúkraskrár landsmanna. Sjúklingar hafa rétt til, ef þeir leita eftir því að fá afrit af sjúkraskrá sinni og hafa rétt til að senda inn athugasemdir við það sem þeir telja rangt skráð. En samkvæmt úrskurði Landlæknisembættisins þá eru slíkar athugasemdir sagðar ORÐ gegn ORÐI og hafa ekkert vægi til leiðréttingar á rangfærslum á skráningu í sjúkraskrá einstaklingsins.

Samkvæmt fréttum er haft eftir ráðherra að ef öryggi sjúklinga sé ógnað er það skylda stjórnvalda að bregðast við slíku. Ekki hefur verið brugðist við þeirri ógn er sjúklingum stafar af ósannindaskráningum í sjúkraskrár þrátt fyrir ábendingar þar um. Af hálfu heilbrigðisráðuneytis er nú stefnt að því að lögfesta heimildir til þess að skrá ósannindi í sjúkraskrár. Þar af leiðandi er stefnt að stjórnlausri ógn gagnvart sjúklingum með ósannindaskráningum í sjúkraskrár.

Vegna þess að í ljós hefur komið að skráning í svokallaða sjúkraskrá er í mörgum tilvikum ekki sannleikur heldur hrein ósannindi er nauðsynlegt að gera eftirfarandi breytingar á lagaskyldu um skráninguna í sjúkraskrá landsmanna.

1. Læknir eða heilbrigðisstarfsmaður skal skrá strax að loknu viðtali eða skoðun á sjúklingi í sjúkraskrá. Skráning aðila í sjúkraskrá það sem haft er eftir sjúklingi skal vera sannleikur um frásögn sjúklings en ekki skáldskapur. Í sjúkraskrá skal skrá tímann þegar viðtal eða skoðun fer fram og tímann þegar skráningu er lokið.

2. Það sem skráð er í sjúkraskrá skal senda viðkomandi sjúklingi á rafrænan hátt í gegnum heilsuvera.is og eigi síðar en 24 tímum eftir að samskiptum aðila líkur. Skal hver sjúklingur hafa aðgang að sjúkraskrá sinni með aðgangi að heilsuvera.is

3. Sjúklingur eða umboðsmaður hans á rétt á að gera athugasemdir ef skráning er talin röng og skal þá skráningin leiðrétt samkvæmt athugasemd sjúklings eða umboðsmanns sjúklings. Tímalengd sem sjúklingur eða umboðsmaður hafa til að gera athugasemdir ræðst af ástandi sjúklings t.d. eftir aðgerð en skal gerð eins fljótt og kostur er og ástand sjúklings leifir.

4. Breyta skal ákvæðum lag um sjúkraskrá í þá veru að aðeins sé ein sjúkraskrá fyrir hvern sjúkling en ekki óteljandi fjöldi skráa eins og nú er.

5. Ef sjúklingur telur skráningu í sjúkraskrá ranga og gerir skriflega athugasemd skal setja athugasemdina inn í sjúkraskrá þar sem talin rangyndi eru skráð og skal hafa annan lit á letrinu t.d. rauðan ef skráin er svört.

6. Ekki skal vera möguleiki fyrir neinn skráningaraðila að breyta skráningu sem þegar hefur verið færð inn nema sem innfærslu sem viðbót og kemur þá fram sem framhald á áður skráðu efni með annarri leturgerð en grunntextinn eða öðrum lit á texta.

Ef ekki verða gerðar breytingar á lögum um skráningu sjúkraskrár eins og hér fylgja verður heilbrigðisþjónustan áfram í því rugli sem hún hefur verið með fjölda mistaka sumra starfsmanna og sum mistökin falla undir hyskni með hliðsjón af þeim ósannindum sem skráð hafa verið.

Reykjavík 3. Mars 2023

Kristján S. Guðmundsson

Fv. skipstjóri

Eru vanvitar á Alþingi Íslendinga?

Alþingismenn er tilheyra Pírötum og samfylkingunni virðast vera utangátta eða vanvitar í umræðunni um tillögu ráðherrans um að selja flugvél Landhelgisgæslunnar TF-SIF vegna fjárskorts til að reka starfsemi er varðar flugvélina.

Sýndarmennska þeirra vanvita er sitja á Alþingi Íslendinga hafa í marga áratugi samþykkt að margskonar starfsemi skuli vera virk innan ríkiskerfisins en vanvitarnir hafa í fjölda tilvika ekki haft vit á að tryggja fjármagn til þess að reka starfsemina af neinu viti. Eru dæmin um vanhugsaðar lagasetningar settar af þingmönnum varðandi starfsemi á vegum ríkisins án viðunandi fjármagns óteljandi og þar með rekstur Landhelgisgæslunnar.

Ef nægt fjármagn hefði verið í gerð fjárlaga til reksturs Landhelgisgæslunnar hefði þessi hugmynd um sölu flugvélar aldrei komið upp. Þetta sjá ekki vanvitarnir er sitja á Alþingi Íslendinga heldur skammast þingmenn stjórnarandstöðu út í ráðherrann vegna eigin yfirsjónar andstæðinga hans í stjórnmálum.

Væri það mikil framför í störfum Alþingis ef stjórnarandstæðingar hverju sinni eða alþingismenn almennt hefðu vit á að ræða megin vandamál íslenskrar stjórnsýslu sem er fáviska þingmanna en ekki vera með skammaryrði út í ráðherra eða andstæðinga í stjórnmálum til að sýnast gáfulegir á Alþingi.

Reykjavík 3. febrúar 2023

Kristján S. Guðmundsson

Fv. skipstjóri

Sögufölsun

Af hálfu rekstraraðila Eimskipafélagsins er haldið áfram að falsa sögu fyrirtækisins sem stofnað var árið 2009 og sagt í fréttum að fyrirtækið sé 109 ára gamalt.

Kennitala Eimskipafélags 6904090460 sannar að fyrirtækið var stofnað árið 2009 þegar misvitrir eigendur er keypt höfðu fyrirtækið H.F. Eimskipafélag Íslands skömmu eftir aldamótin 2000 höfðu lagt það niður og afskrifað af fyrirtkjaskrá. Var skipt um nafn á fyrirtækinu oftar en tvisvar þegar það var fellt undir flugfélag.

Eftir að nafnabreytingar á fyrirtækinu höfðu verið gerðar í annarlegum tilgangi og þar með að ná út fjármagni er gamla fyrirtækið átti. Þegar ljóst var að óánægja var í íslensku þjóðinni eftir að óskabarn þjóðarinnar eins og H.F. Eimskipafélag Íslands var kallað hafði verið lagt niður árið 2006. Afstyrmið sem rekið var undir flugfélagi og var kallað Vandræðabarn þjóðarinnar rönkuðu fjárglæframennirnir við sér og stofnuðu nýtt hlutafélag árið 2009. Nýja hlutafélagið fékk sama nafn og félagið sem kallað var Óskabarn Þjóðarinnar eða Eimskipafélag Íslands. Fékk það núverandi kennitölu 6904090460 sem sýnir að fyrirtækið er aðeins rúmlega tíu ára gamalt.

Forystumenn fyrirtækisins skammast sín fyrir þær gjörðir sem framkvæmdar voru á árunum 2006 til 2009 varðandi niðurlagningu fyrirtækisins og reyna af fremsta megni að breiða yfir þær illu og vanhugsuðu aðgerðir er framkvæmdar voru í gróðaskyni á þessu þriggja ára tímabili frá því að fyrirtækið var lagt niður þar til hið nýja fyrirtæki var stofnað.

Kennitala fyrirtækisins 6904090460 sannar það að um sögufölsun er að ræða hjá núverandi eigendum /rekstraraðilum að halda því fram að fyrirtækið sé 109 ára gamalt.

Áróðursmeistara NAZISTA var eignað þau ummæli að svo lengi mætti hamra á lýginni þar til sannleikur reyndist. Hvort ráðamenn Eimskipafélagsins ætli að fara þá leið NAZISTANNA er spurning.

Reykjavík 18. Janúar 2023

Kristján S. Guðmundsson

Fv. skipstjóri

Krufning

Í fréttum kom fram að umtalsvert fleiri krufningar eru framkvæmdar á Íslandi en í öðrum löndum. Áberandi var í fréttinni að smjattað er á því hve margir stytta eigið líf og virðist það vera sérstakt fréttaefni. Þar sem líf og dauði einstaklings er hans einkamál á að banna heilbrigðisstarfsfólki að upplýsa sem fréttaefni hvernig að lífi einstaklings líkur.

Auk þess má geta þess að einhver tilvik verða á ári hverju sem heilbrigðisstarfsfólk getur ekki fullyrt um hvort dauðsfall var viljandi eða tilviljun.

Má geta þess sérstaklega að læknisfræðin er á slíkum brauðfótum að þeir er þar starfa hafa mjög takmarkaða getu og þekkingu til að hjálpa fólki á mörgum sviðum. Mörg af þeim svokölluðu sjálfsvígum má rekja til heilsufarsvandamáls sem læknisfræðin ræður ekki við og því telur viðkomandi bestu leiðin til að lina eigin þjáningar að stytta aldur sinn.

Talað hefur verið um það að deyja með reisn og fá aðstoð heilbrigðisstarfsfólks við að stytta aldur sinn. Þetta er að nafninu til bannað á Íslandi en virðist samt vera gert án þess að því sé það sem kallað er flaggað.

Læknisfræðin á ekki að fá að smjatta á dauðsföllum einstaklinga eins og börn á sælgæti.

Sjálfsvíg voru alvarleg synd í sumum trúarbrögðum og eru það hugsanlega enn þá.

Reykjavík 6. desember 2022

Kristján S. Guðmundsson

Fv. skipstjóri

Mannréttindabrot Íslendinga

Eftirfarandi yfirlýsing var gefin af utanríkisráðherra Íslands.

"Öllum ríkjum ber skylda til að virða og vernda mannréttindi borgara sinna. Þess vegna er svo mikilvægt að ríki heims tali skýrri röddu og sýni festu í málinu.“

Yfirlýsing „þessi var gefin vegna þess að ráðherrann taldi mannréttindi brotin í öðrum ríkjum.

Ráðherrann hefði átt að skoða eigin rann betur og krefjast leiðréttinga á lögum er stuðla að mannréttindabrotum í eigin landi. Lög sem sett voru af Alþingi Íslendinga og eru nr. 55 frá 2009 og eru um skyldu til að skrá svokallaða sjúkraskrá. Lög þessi eru um einhliða skráningu heilbrigðisstarfsfólks ( lækna og annarra er koma að heilbrigðisþjónustu).

Skráning þessi er einhliða verk heilbrigðisstarfsfólks án afskipta eða aðkomu sjúklinga. Er svo komið að umrædd skráning er og hefur verið stórhættuleg fyrir sjúklinga og dæmi um alvarlega heilsuskerðingu sjúklings vegna misnotkunar á skráðum upplýsingum í sjúkraskrá. Auk þess að skráning upplýsinga í sjúkraskrá er í fjöldamörgum tilvikum ósannindi og óskiljanleg skráning sem kalla má falsanir. Þess ber að geta að læknar eru meðal þeirra sem skrá ósannindi í sjúkraskrá.

Sem dæmi um ósannindaskráningu læknis þá er skráð sjúkdómsgreining án nokkurra rannsókna er veldur varanlegu heilsutjóni og reynist fjórum árum síðar vera eitrun af völdum ávísaðs lyfs. Auk þess er skráður viðtalstími sjúklings við sérfræðilækni átta mánuðum áður en sjúklingur fékk tíma hjá sérfræðingnum. Að auki bókar umræddur sérfræðilæknir sjö mánuðum áður en hann tilkynnti sjúklingi um hver væri orsök skertrar heilsu, sem var talin eitrun af völdum tiltekins lyfs, að sjúklingur hefði hætt að taka lyfið þremur mánuðum áður en umrædd bókun er talin hafa verið gerð, (þ.e. áður en læknirinn veitti sjúklingi viðtalstíma og upplýsingar). Umrædd fullyrðing er bókuð 16. nóvember 2016 en læknir tilkynnti sjúklingi 19. maí 2017 hver væri talin orsök heilsuskerðingar og þá var strax hætt notkun lyfsins. Sýnir þetta mátt falskra bókana í sjúkraskrá.

Í lögunum er ákvæði um að sjúklingur geti fengið afrit af sjúkraskrá og sent skriflegar athugasemdir við skráninguna. Ekki er neitt ákvæði í lögum um að leiðrétta eigi ranga skráningu í sjúkraskrá. Afstaða Landlæknisembættis varðandi skriflegar athugasemdir er í þá veru að þar sé um að ræða ORÐ gegn ORÐI og skráning heilbrigðisstarfsfólks sé sannleikur þótt ósannindi séu skráð. Með þessari afstöðu af hálfu Landlæknis eru mannréttindi sjúklinga einskis virði og um að ræða mannréttindabrot af versta tagi.

Mannréttindabrot íslenskra stjórnvalda eru í anda þeirra ráðamanna erlendra ríkja sem utanríkismálaráðherra er að gagnrýna en íslenskir ráðherrar eru jafn sekir um mannréttindabrot á íslenskum þegnum og þeir ráðamenn sem íslensku ráðherrarnir gagnrýna.

Það að íslensk stjórnvöld leggi blessun sína á falsanir í skráningu í sjúkraskrá eru íslenskir ráðherrar að svifta íslenska þegna þeim mannréttindum sem stjórnarskrá lýðveldisins er talin veita þegnunum.

Líf og heilsa íslenskra sjúklinga svo og mannréttindi eru einskis virði að mati stjórnenda landsins í ljósi afgreiðslna íslenskra ráðuneyta (þ.m.t. heilbrigðisráðuneytið) á kvörtunum þegnanna um brot á mannréttum á Íslandi.

Reykjavík 28. Nóvember 2022

Kristján S. Guðmundsson

Kt.2209342769