KYNFERÐISLEG ÁREITNI.

Hvað felst í þeim orðum (fyrirsögninni)?

Undirritaður hefur spurst fyrir á mörgum stöðum hvað felst í orðunum „KYNFERÐISLEG ÁREITNI“. Allir þeir sem spurðir hafa verið hafa ekki treyst sér til að skýra það hvað felist í orðunum.

Þar af leiðandi er hér með skorað á þá sem telja sig geta gefið tæmandi skýringu á því hvað felist í þessum orðum. Óskað er eftir að allt sé tíundað sem fellur undir kynferðislega áreitni (allar gjörðir) svo að hægt sé að varast þær gildrur sem kvennmenn leggja fyrir karla.

Er sérstaklega farið fram á að þær konur sem harðast ganga fram í ásökunum um kynferðislega áreitni svari því sem hér er spurt um. Hvað er kynferðisleg áreitni?

Þess er einnig óskað að eftirfarandi spurningum verði svarað!

1. Er það kynferðisleg áreitni að umgangast fagurt fljóð án þess að sýna nokkurn áhuga á fljóðinu?

2. Er það kynferðisleg áreitni þegar kona, sem ekki hefur fengið athygli karlsins, eins og hún telur sig eiga, að hún að fyrra bragði kyssi karlinn rennblautum kossi án þess að kossi sé svarað af karlinum?

3. Er það kynferðisleg áreitni af hálfu karls þegar kona fer ítrekað (marg oft í heilt ár) upp í bifreið hjá honum þrátt fyrir að maðurinn (að sögn konunnar) hafi áreitt hana kynferðislega í hver einasta skipti sem hún fór í bílinn til karlsins, stígi svo fram mörgum árum seinna og ásaki hann um fyrirkynferðislega áreitni?

4. Er það kynferðisleg áreitni, af hálfu konu, þegar kona situr á móti fólki klædd kjól eða pilsi og fyrir viðstöddum blasi dýrðin upp í klof konunnar?

5. Er það kynferðisleg áreitni þegar kona flaggar „litla Miklagljúfri“ (brjóstagljúfrinu)?

Þar sem ekki finnst í lögum skýring á því hvað sé kynferðisleg áreitni er þess krafist að siðferðispostular kvenna gefi tæmandi skýringar á því hvaða merkingu umrætt orðasamband innifelur (kynferðisleg áreitni).

Reykjavík 17. nóvember 2017

Kristján S. Guðmundsson

fv. skipstjóri