Pólitískt drullumall.

Er pólitískt drullumall skoðanir annarra en ráðandi afla Morgunblaðsins?

Heiti þessarar greinar er tekið úr Morgunblaðinu og var ritað af einum af þeim sem eru í náðinni hjá stjórnendum blaðsins. Gagnrýni sem ekki er samkvæmt kenningu og skoðunum ráðamann blaðsins var kallað pólitískt drullumall. Er það einkenni á ritskoðunarstefnu ráðamanna blaðsins að allt efni sem ekki er samkvæmt skoðunum þeirra sem ráða blaðinu er pólitískt drullumall.

Af  hálfu ráðamanna Morgunblaðsins eru mannréttindabrot framin af valdaklíkunni í landinu  mál sem þagga á niður með öllum tiltækum ráðum. Er þar fetað í fótspor þeirra er réðu ríkjum í Þýskalandi Nazismanns og Stalínstímanum í Rússlandi.

Það sem vekur talsverða undrun er viðhorf ráðamanna Morgunblaðsins til gagnrýnis er birt er á síðum blaðsins ef gagnrýnin snýr að þeim sem ekki eru aðilar að valdaklíku landsins. Er áberandi að gagnrýni er beinist að einstaklingum utan valdaklíku landsins er birt án ritskoðunar. Ennfremur er það undrunarefni að ráðamenn blaðsins vilja ekki gefa upp hvort greinar fáist birtar í blaðinu eða ekki og ef leitað er eftir upplýsingum þar sem langur tími líður án þess að grein fáist birt þá er svarið að ekki hafi verið pláss í blaðinu. Er það  léleg afsökun á ritskoðunarstefnu ráðamanna ef skoðað er efni þeirra greina sem birtar eru í blaðinu og augljóslega vegna efnisinnihalds hafa verið skrifaðar nýlega þegar þær eru birtar.

Orðið heiðarleiki er eitt af því sem ekki finnst í orðabók sem notuð er hjá Morgunblaðinu. Það er ekki sama hverjir fremja lögbrotin og á hverjum þau bitna. Hefur hvarflað að manni að þessi óheiðarleiki af hálfu ráðamanna blaðsins hafi rýrt áskrifendafjölda blaðsins eins og fram hefur komið í fréttum.

Sem dæmi um heiðarleika af hálfu stjórnenda Morgunblaðsins var grein send inn samkvæmt þeirra eigin forskrift. Þremur vikum seinna hafði greinin ekki verið birt og var þá send annað til birtingar. Var þá hringt frá Morgunblaðinu og skammast út af því að greinin hafði verið birt á öðrum stað, en hún var upphaflega send til Morgunblaðs með upplýsingum um að hún yrði aðeins send Morgunblaðinu. Slík framkoma af hálfu starfsmanna fjölmiðils er viðurkenning á því að ekkert verði birt (ritskoðun) ef það er ekki samkvæmt skoðunum þeirra er stjórna.

Mannréttindi Morgunblaðssinna eru ekki mannréttindi fyrir alla þegna landsins, aðeins fyrir þá útvöldu.

Reykjavík 3. ágúst 2014

Kristján S. Guðmundsson

Fv. skipstjóri