Hættulegir dómarar

Dómskerfið á Íslandi er orðið hættulegt lýðræðinu með framferði óheiðarlegra dómara.

Er staðan orðin sú að lög sem sett eru af löggjafarsamkomunni,Alþingi, eru orð sem skráð eru á blað en að mati dómara er ástæðulaust að fara eftir því sem skráð er þegar það hentar ekki hagsmunum dómaranna.

Í málum er varða skipan á dómurum við dómstóla landsins voru dómarar ekki sáttir við það að þeir réðu ekki hverjir væru skipaðir í embættin.

Valdagræðgi þeirra sem komast í störf sem dómarar eru engin takmörk sett. Í lögum um störf dómara er það orðað á skýran hátt að dómarar skuli í störfum sínum aðeins fara að gildandi lögum landsins.

Með orðalagi í lögunum um starfsskyldur dómara eru skýr ákvæði um það að geðþótta og geðhvarfasýki starfandi dómara eru ekki heimilar í þeirra störfum.

Í íslenskum lögum er einnig ákvæði um það að dómarar séu skipaðir í ábyrgð dómsmálaráðherra með samþykki Alþingis (sitjandi Alþingismanna). Skipan dómara til starfa í Landsrétti var samþykkt af Alþingi ( á fundi alþingismanna í þingsal Löggjafarsamkomunnar).

Það framferði dómsmálaráðherra að taka ekki að öllu leiti mark á óskum dómara, er skipa nefnd til að vera leiðbeinandi fyrir dómsmálaráðherra í skipun í embætti dómara, hefur leitt til þess að dómarar hafa sýnt sitt innra eðli (valdagræðgi og óheiðarleika) með margs konar mótmælaaðgerðum gangvart dómsmálaráðherra og ósvífinni framkomu af þeirra hálfu (dómaranna) í uppkveðnum dómum er varða skipun í dómara-embættin.

Valdagræðgi dómaranna er slík að ef lög sem sett hafa verið af Alþingi eru ekki samþykkt af dómurum, þá er ekki farið eftir þeim þegar það hentar ekki valdagræðginni sem hrjáir þá (dómarana).

Það hefur verið þekkt til margra ára að dómarar fara ekki að gildandi lögum landsins þegar þeir telja sig þurfa að hefna sín á málsaðilum.

Þær kærur er undirritaður hefur lagt fram hjá lögreglu og Ríkissaksóknara og varða lögbrot dómara við störf sín (utanlagadóma) hafa málin ekki fengist rannsökuð vegna þess hneykslis er það ylli stjórnkerfi landsins þegar upplýst yrði um ódæðisverkin sem eru unnin í skjóli dómskerfisins á Íslandi.

Er smán stjórnenda landsins og hinna ákærðu (dómaranna) slík að þeir þora ekki að ákæra undirritaðan fyrir meiðyrði eða rangar sakagiftir vegna þeirrar smánar er samfélagið og hinir ákærðu yrðu fyrir ef málin færu fyrir dóm og lögbrotin yrðu upplýst opinberlega við rannsókn.

Hinir ákærðu hafa verið ákærðir fyrir þjófnað og önnur brot í starfi sem dómarar. Eru þar m.a. þrír Hæstaréttardómarar og fjórir Héraðsdómarar.

Hinir svívirðulegu dómarar hafa kosið að þegja en vera staðanir að lögbrotum sem dómarar er kæmi fram við rannsókn mála ef þeir stefndu undirrituðum.

Það sem er svívirðilegast við íslenskt réttarfar, er sá ótti er býr með lögmönnum. Að það fæst enginn lögmaður til að taka að sér mál er varðar lögbrot dómara. Lögmenn hafa svarað því til að þeir geti hætt störfum sem lögmenn, ef þeir taki að sér mál er varða lögbrot dómara, vegna hefndaráráttu þeirra (dómaranna).

Hefndarárátta dómaranna kemur skýrt fram við úrskurði þeirra í málum er varða þá er ekki fengu dómarasæti vegna þess að þeir (dómararnir) fengu ekki að ráða skipan dómaranna. Þeir hunsa því ákvörðun Alþingis sem samþykkti skipunina í embættin. Að mati dómaranna er Alþingi svo auðvirðulegt að óþarfi sé að taka mark á því sem þar fer fram.

Það mat dómaranna (áliti þeirra á Alþingi) kemur best fram í þeim utanlaga dómum sem kveðnir eru upp í dómsölum á Íslandi og kærðir hafa verið. Er þar nærtækast þegar Hæstiréttur notaði kynlíf Jóns H.B. Snorrasonar hjá lögreglu/Ríkissaksóknara til að fresta innheimtu á ólöglega álögðum virðisaukaskatti. Kynlíf Jóns H.B. Snorrasonar kom málinu ekkert við heldur var um ólöglega álagningu skattsins að ræða. Kynlífið var bragðbetra fyrir dómarana Pétur Kr. Hafstein, Guðrúnu Erlendsdóttur og Guðmund Jónsson, lögbrjóta Hæstaréttar, og hentugt fyrir þjófnað þeirra á mannréttindum undirritaðs.

Ólöglega uppkveðnir dómar eru mjög algengir á Íslandi (utanlagadómar) vegna þess að andlegt ástand sumra dómara er óheilbrigt eins og niðurstöður dómsorða bera með sér í hinum kærðu málum.

Reykjavík 31. október 2018

Kristján S. Guðmundsson

fv. skipstjóri

BIG BANG eða MIKLIHVELLUR

Þetta heiti er mikið notað um upphaf himinhvolfsins og því sem í því er og sagt upphaf alls þess sem maðurinn skynjar í nútíðinni.

Ef fullyrðingin um að upphaf alls hafi orðið við BIG BANG fyrir X-milljónum ára er ekkert annað en óskhyggja manna og kvenna í góðum starfstöðum með góð laun þá er hún leyfileg.

Ef þessi skýring vísindamanna um BIG BANGer tekin góð og gild þá er nærtækt að spyrja:

Hvað var það sem leiddi til Miklahvells (orsök hvellsins)?

Var þá eitthvað til sem gat sprungið? Hvað var það sem orsakaði BIG BANG (Hvaða efni sprakk)?

Var til eitthvað rými þar sem þetta BIG BANG varð? Ef til var rými og það sem orsakaði BIG BANG – Hvenær varð það til?

Hver er lögun og stærð þess rýmis sem BIG BANG varð í samkvæmt kenningunni um BIG BANG?

Er lögun rýmisins kúlulaga eða kassalaga. Er til einhver önnur lögun þessa rýmis og hver þá?

Er rými himingeimsins endanlegt eða óendanlegt?

Ef til eru endimörk himingeimsins – Hvað er þá hinum megin við þau endamörk?

Svo virðist sem kenningin um Miklahvell hafi orðið til vegna vandræða vísindamanna við öflun fjár til starfa sinna og því orðið að koma með einhverja niðurstöðu þótt engin sönnun væri fyrir henni.

Vísindamenn hafa komið með margar upplýsingar úr sínum rannsóknum á himinhvolfinu og ein þeirra er merkileg og fjallar um það að: himinhvolfið sé að þenjast út.

Hvað þessi fullyrðing vísindamanna þýðir er illskiljanlegt.

Þessi fullyrðing þeirra gefur í skyn að skynjanlegt himinhvolf sé að þenjast út í eitthvað annað og óþekkt himinhvolf.

Er það svo að vísindamenn vilja ekki viðurkenna að eitthvað sem þeir ekki skilja sé til svo sem óendanleiki himingeimsins?

Það er erfitt fyrir mannsheilann að skilja að eitthvað sé til án þess að hægt sé að skilgreina upphaf og endimörk þess. En það er enn erfiðara að skilja að til séu endimörk einhvers án þess að eitthvað sé hinum megin við þau endamörk.

Tilraun mannsins til að leita uppruna síns er og verður vandræðamál. Það er mjög erfitt fyrir mannsheilann að skilja og skynja ekki neitt. Mannsheilinn skilur ekki að til sé ástand þar sem ekkert sé til og þá er átt við allsherjar auðn. Að bæði efni, tími og rúm séu ekki til. Fjórða víddin er ekki skýring á engu (allsherjar núlli) ef það er til. Þar með var eitthvað til fyrir BIG BANG – MIKLAHVELL.

Í ljósi þess er kenningin um BIG BANG – MIKLAHVELL óskiljanleg skýring, á himinhvolfinu og því sem mannskepnan skynjar, og er kenningin byggð á öðru en staðreyndum. Þessi BIG BANG kenning væri skiljanleg ef viðurkennt væri að líkja mætti henni við getnað lífs sem lið í þróunarsögunni. BIG BANG sé einn liður í þróun óskýrðrar tilveru alheimsins.

Reykjavík 29. október 2018

Kristján S. Guðmundsson

fv. skipstjóri

Loftslagsbreytingar á jörðinni

Ráðamenn þjóða, og þar á meðal Íslendinga, ausa yfir þjóðirnar hugsanlegum ósannindum um að breytingar á veðurfari á jörðinni stafi af gjörðum mannsins og styðjast þar við rannsóknir, sem gerðar hafa verið á síðustu 200 árum jarðsögunnar, af nokkrum vísindamönnum.

Á sama tíma og þessi hræðsluáróður er látinn dynja á þjóðum þá sýna rannsóknir annarra vísindamanna að slíkar breytingar (sveiflur í veðurfari) hafa gengið yfir svæði á jörðinni svo langt aftur í tímatali jarðar sem enn hefur tekist að rannsaka (talið um 26.000 ár).

Fundist hafa nokkur svæði á jörðinni þar sem minjar bera vott um búsetu fjölda manna með veglegum byggingum en staðir þessir farið í eyði vegna þess að þeir urðu ólífvænlegir vegna breytinga á veðurfari, aðallega skorts á vatni. Má þar nefna borgir í Litlu Asíu (Tyrklandi og víðar í Litlu Asíu) svo og Sahara eyðimörkinni vestur af Egiptalandi og víðar.

Ef þeir vísindamenn sem hafa rannsakað þessar fyrri borgir og búsvæði eru að skýra satt og rétt frá úr niðurstöðum sinna rannsókna , sem taldar eru ná yfir tímabil sem nær til 3000-4000 ára fyrir okkar tímatal (5000-6000 ár), eru þá fullyrðingar hinna vísindamannanna um loftslagsbreytingar af völdum gjörða mannsins, sem orsök breytinga á loftslagi jarðar, ósannindi.

Er ekki kominn tími fyrir gáfnaljós í heimi vísinda að leiða þessa tvo andstæðu hópa vísindamanna saman til að skýra fyrir mannkyninu hvað sé rétt og hvað sé rangt sem fram kemur í umræddum niðurstöðum. Svo lengi má hamra á ósannindum (lýginni), eins og sagan sannar, að ósannindin verða tekin sem heilagur sannleikur.

Með vísan til þess sem einn vísindamaður og rithöfundur skrifaði í bók sinni um fullyrðingar vísindamanna um veðurfarsbreytingar af mannavöldum. Þá kom þar fram hjá honum að þessar fullyrðingar væru tilraun þeirra til að knýja fram meira fjármagn til þeirra eigin rannsókna er þeir hefðu sitt lífsviðurværi af.

Ef niðurstöður rannsókna er sýna sveiflur í ástandi lofthjúps jarðar eru réttar hvað gerði maðurinn af sér á þeim tíma til að orsaka breytingarnar? Hvað gerði maðurinn af sér er leiddi til tímabils sem kallað hefur verið ísöld og ísaldir taldar nokkrar á 100.000 árum jarðsögunnar.

Sá áróður sem ausið er yfir mannkynið um breytingar á veðurfari á jörðinni af mannavöldum virðist vera ein aðferð ráðamanna til að auka skattaálögur á almenning.

Hvað gerði maðurinn af sér er orsakaði þær veðurfarsbreytingar er vísindamenn telja að hafi orðið á jörðinni síðustu 36.000 ár og leiddi til eyðingu borga af völdum breytinganna?

Er það rétt að einhver hluti Saharaeyðimerkur hafi verið gróið land fyrir þusundum ára?

Svo virðist sem ósannindum um veðurfarsbreytingar á jörðinni sé kerfisbundið ausið yfir mannkynið af ráðamönnum þjóða í tómri valdagræðgi þeirra sem vilja ráða yfir mannkyninu.

Hvað er það sem orsakar skort á koltvísýringi (kölluð gróðurhúsalofttegund) í andrúmslofti jarðar svo flytja þarf slíkt efni á stálhylkjum til gróðurhúsaeigenda svo framleiðslan gangi eðlilega eins og þarf á Íslandi? Fréttir um skort á koltvísýringi hefur komið fram í fréttum á Íslandi.

Hve mikil aukning hefur orðið á koltvísýringi í andrúmslofti jarðar frá því mannkynið var talið vera um 2.000.000.000 einstaklingar (um 1950) og í það að vera nálægt 7.000.000.000 einstaklingar um 2016. Einstaklingar skila frá sér koltvísýringi við hvern andardrátt (útöndun). Er þar komin ástæða til að fækka mannskepnum?

Eru það ósannindi sem ráðamenn þjóða bera fram fyrir almenning um að gjörðir mannsins orsaki breytingar í lofthjúp jarðar og þar með breytingar á veðri?

Hvert var hitastig á Íslandi þegar skógar uxu þar og sjá má í brúnkolalögum t.d. á Vestfjörðum?

Það er kominn tími til þess að ráðamenn þjóðarinnar flytji fólki sannar fréttir en ekki upplognar um það sem kallað hefur verið loftslagsbreytingar af mannavöldum.

Reykjavík 14. október 2018

Kristján S. Guðmundsson

fv. skipstjóri