Ósannindavaðall

Ósannindavaðall Á Íslandi eru fyrirtæki eða stofnanir sem hafa atvinnu við að breiða út ósannindi. Má þar benda á GALLUP og fleiri slík fyrirtæki.

Þetta eru fyrirtæki sem á skipulagðan hátt dreifa ósannindum viljandi eða af undarlegri fákunnáttu.

Ef upplýsingar eru réttar eru upplýsingar sem kallaðar eru skoðanakannanir framkvæmdar af starfsmönnum þessara fyrirtækja með því að hringja í fólk og spyrja svarendur leiðandi spurninga. Þess er ekki getið að starfsmönnum þessara fyrirtækja er bannað að hringja í u.þ.b. 50% landsmanna og hefur verið svo frá síðustu árum síðustu aldar.

Þar af leiðandi eru allar svokallaðar skoðanakannanir og upplýsingar úr þeim hreinar falsanir. Þetta eru upplýsingar sem fengnar eru hjá fólki sem hefur ánægju af því að vera spurt um átlit og telja sig þar með vera í sviðsljósinu. Einnig má geta þess að fjöldi þeirra sem spurðir eru er u.þ.b. 2% af þjóðinni. Af þessum tveimur prósentum er innan við helmingur sem gefur upp álit sitt á spurningunni sem beint er til þeirra. Niðurstöður stjórnenda þessara fyrirtækja sem stunda skoðanakannanir stunda það að dreifa ósannindum sem fengnar eru með heimatilbúnum upplýsingum.

Væri nær að koma starfsmönnunum úr atvinnubótavinnu við það sem kallast skoðanakönnun í arðbær störf innan samfélagsins þar sem skortur eru á vinnuafli í störfum er auka hagvöxt þjóðarinnar.

Niðurstöður svokallaðra skoðanakannana eru heimatilbúin ósannindi.

Reykjavík 8. mars 2023

Kristján S. Guðmundsson

Fv. skipstjóri

Heilbrigðisráðherra og ábyrgð.

Fram er komið loforð heilbrigðisráðherra að gera ákveðnar stéttir í landinu óábyrgar gerða sinna.

Samkvæmt fréttum er komið fram lagafrumvarp er undan þiggur allar heilbrigðisstéttir ábyrgð gjörða sinna og er ætlunin að ábyrgðinni sé velt yfir á fyrirtæki eða stofnanir er viðkomandi sé talinn starfa fyrir þar með talin eigin ehf.

Er þetta sett fram á sama tíma og ótal fjöldi kvartana hafa borist landlækni er varða skráningu ósanninda í svokallaða sjúkraskrá. Ósanninda sem skráð eru, er sannanlega hafa orsakað skaða á heilsu sjúklinga.

Er stóra spurningin sú hvort heimild sé í stjórnarskrá landsins fyrir ráðherra til að hygla ákveðnum starfsstéttum með slíkri undanþágu á ábyrgð gjörða sinna á meðan aðrir þegnar landsins þurfa að bera ábyrgð á gjörðum sínum.

Á meðan ráðherra bruggar slík launráð gegn þegnum landsins öðrum en hinum völdu starfsstéttum er hann hyggst hygla þá hefur hann ekki talið ástæðu til að koma í veg fyrir ósanninda og falsanir í skráningu í sjúkraskrá landsmanna. Ósannindaskráningar og falsanir á skráningu í sjúkraskrár er hafa þegar valdið stóralvarlegum heilsuskaða hjá sjúklingum.

Það skal tekið fram að heilbrigðisstarfsmenn eru þeir einu er fá að koma nálægt skráningu í sjúkraskrár landsmanna. Sjúklingar hafa rétt til, ef þeir leita eftir því að fá afrit af sjúkraskrá sinni og hafa rétt til að senda inn athugasemdir við það sem þeir telja rangt skráð. En samkvæmt úrskurði Landlæknisembættisins þá eru slíkar athugasemdir sagðar ORÐ gegn ORÐI og hafa ekkert vægi til leiðréttingar á rangfærslum á skráningu í sjúkraskrá einstaklingsins.

Samkvæmt fréttum er haft eftir ráðherra að ef öryggi sjúklinga sé ógnað er það skylda stjórnvalda að bregðast við slíku. Ekki hefur verið brugðist við þeirri ógn er sjúklingum stafar af ósannindaskráningum í sjúkraskrár þrátt fyrir ábendingar þar um. Af hálfu heilbrigðisráðuneytis er nú stefnt að því að lögfesta heimildir til þess að skrá ósannindi í sjúkraskrár. Þar af leiðandi er stefnt að stjórnlausri ógn gagnvart sjúklingum með ósannindaskráningum í sjúkraskrár.

Vegna þess að í ljós hefur komið að skráning í svokallaða sjúkraskrá er í mörgum tilvikum ekki sannleikur heldur hrein ósannindi er nauðsynlegt að gera eftirfarandi breytingar á lagaskyldu um skráninguna í sjúkraskrá landsmanna.

1. Læknir eða heilbrigðisstarfsmaður skal skrá strax að loknu viðtali eða skoðun á sjúklingi í sjúkraskrá. Skráning aðila í sjúkraskrá það sem haft er eftir sjúklingi skal vera sannleikur um frásögn sjúklings en ekki skáldskapur. Í sjúkraskrá skal skrá tímann þegar viðtal eða skoðun fer fram og tímann þegar skráningu er lokið.

2. Það sem skráð er í sjúkraskrá skal senda viðkomandi sjúklingi á rafrænan hátt í gegnum heilsuvera.is og eigi síðar en 24 tímum eftir að samskiptum aðila líkur. Skal hver sjúklingur hafa aðgang að sjúkraskrá sinni með aðgangi að heilsuvera.is

3. Sjúklingur eða umboðsmaður hans á rétt á að gera athugasemdir ef skráning er talin röng og skal þá skráningin leiðrétt samkvæmt athugasemd sjúklings eða umboðsmanns sjúklings. Tímalengd sem sjúklingur eða umboðsmaður hafa til að gera athugasemdir ræðst af ástandi sjúklings t.d. eftir aðgerð en skal gerð eins fljótt og kostur er og ástand sjúklings leifir.

4. Breyta skal ákvæðum lag um sjúkraskrá í þá veru að aðeins sé ein sjúkraskrá fyrir hvern sjúkling en ekki óteljandi fjöldi skráa eins og nú er.

5. Ef sjúklingur telur skráningu í sjúkraskrá ranga og gerir skriflega athugasemd skal setja athugasemdina inn í sjúkraskrá þar sem talin rangyndi eru skráð og skal hafa annan lit á letrinu t.d. rauðan ef skráin er svört.

6. Ekki skal vera möguleiki fyrir neinn skráningaraðila að breyta skráningu sem þegar hefur verið færð inn nema sem innfærslu sem viðbót og kemur þá fram sem framhald á áður skráðu efni með annarri leturgerð en grunntextinn eða öðrum lit á texta.

Ef ekki verða gerðar breytingar á lögum um skráningu sjúkraskrár eins og hér fylgja verður heilbrigðisþjónustan áfram í því rugli sem hún hefur verið með fjölda mistaka sumra starfsmanna og sum mistökin falla undir hyskni með hliðsjón af þeim ósannindum sem skráð hafa verið.

Reykjavík 3. Mars 2023

Kristján S. Guðmundsson

Fv. skipstjóri

Eru vanvitar á Alþingi Íslendinga?

Alþingismenn er tilheyra Pírötum og samfylkingunni virðast vera utangátta eða vanvitar í umræðunni um tillögu ráðherrans um að selja flugvél Landhelgisgæslunnar TF-SIF vegna fjárskorts til að reka starfsemi er varðar flugvélina.

Sýndarmennska þeirra vanvita er sitja á Alþingi Íslendinga hafa í marga áratugi samþykkt að margskonar starfsemi skuli vera virk innan ríkiskerfisins en vanvitarnir hafa í fjölda tilvika ekki haft vit á að tryggja fjármagn til þess að reka starfsemina af neinu viti. Eru dæmin um vanhugsaðar lagasetningar settar af þingmönnum varðandi starfsemi á vegum ríkisins án viðunandi fjármagns óteljandi og þar með rekstur Landhelgisgæslunnar.

Ef nægt fjármagn hefði verið í gerð fjárlaga til reksturs Landhelgisgæslunnar hefði þessi hugmynd um sölu flugvélar aldrei komið upp. Þetta sjá ekki vanvitarnir er sitja á Alþingi Íslendinga heldur skammast þingmenn stjórnarandstöðu út í ráðherrann vegna eigin yfirsjónar andstæðinga hans í stjórnmálum.

Væri það mikil framför í störfum Alþingis ef stjórnarandstæðingar hverju sinni eða alþingismenn almennt hefðu vit á að ræða megin vandamál íslenskrar stjórnsýslu sem er fáviska þingmanna en ekki vera með skammaryrði út í ráðherra eða andstæðinga í stjórnmálum til að sýnast gáfulegir á Alþingi.

Reykjavík 3. febrúar 2023

Kristján S. Guðmundsson

Fv. skipstjóri

Sögufölsun

Af hálfu rekstraraðila Eimskipafélagsins er haldið áfram að falsa sögu fyrirtækisins sem stofnað var árið 2009 og sagt í fréttum að fyrirtækið sé 109 ára gamalt.

Kennitala Eimskipafélags 6904090460 sannar að fyrirtækið var stofnað árið 2009 þegar misvitrir eigendur er keypt höfðu fyrirtækið H.F. Eimskipafélag Íslands skömmu eftir aldamótin 2000 höfðu lagt það niður og afskrifað af fyrirtkjaskrá. Var skipt um nafn á fyrirtækinu oftar en tvisvar þegar það var fellt undir flugfélag.

Eftir að nafnabreytingar á fyrirtækinu höfðu verið gerðar í annarlegum tilgangi og þar með að ná út fjármagni er gamla fyrirtækið átti. Þegar ljóst var að óánægja var í íslensku þjóðinni eftir að óskabarn þjóðarinnar eins og H.F. Eimskipafélag Íslands var kallað hafði verið lagt niður árið 2006. Afstyrmið sem rekið var undir flugfélagi og var kallað Vandræðabarn þjóðarinnar rönkuðu fjárglæframennirnir við sér og stofnuðu nýtt hlutafélag árið 2009. Nýja hlutafélagið fékk sama nafn og félagið sem kallað var Óskabarn Þjóðarinnar eða Eimskipafélag Íslands. Fékk það núverandi kennitölu 6904090460 sem sýnir að fyrirtækið er aðeins rúmlega tíu ára gamalt.

Forystumenn fyrirtækisins skammast sín fyrir þær gjörðir sem framkvæmdar voru á árunum 2006 til 2009 varðandi niðurlagningu fyrirtækisins og reyna af fremsta megni að breiða yfir þær illu og vanhugsuðu aðgerðir er framkvæmdar voru í gróðaskyni á þessu þriggja ára tímabili frá því að fyrirtækið var lagt niður þar til hið nýja fyrirtæki var stofnað.

Kennitala fyrirtækisins 6904090460 sannar það að um sögufölsun er að ræða hjá núverandi eigendum /rekstraraðilum að halda því fram að fyrirtækið sé 109 ára gamalt.

Áróðursmeistara NAZISTA var eignað þau ummæli að svo lengi mætti hamra á lýginni þar til sannleikur reyndist. Hvort ráðamenn Eimskipafélagsins ætli að fara þá leið NAZISTANNA er spurning.

Reykjavík 18. Janúar 2023

Kristján S. Guðmundsson

Fv. skipstjóri

Krufning

Í fréttum kom fram að umtalsvert fleiri krufningar eru framkvæmdar á Íslandi en í öðrum löndum. Áberandi var í fréttinni að smjattað er á því hve margir stytta eigið líf og virðist það vera sérstakt fréttaefni. Þar sem líf og dauði einstaklings er hans einkamál á að banna heilbrigðisstarfsfólki að upplýsa sem fréttaefni hvernig að lífi einstaklings líkur.

Auk þess má geta þess að einhver tilvik verða á ári hverju sem heilbrigðisstarfsfólk getur ekki fullyrt um hvort dauðsfall var viljandi eða tilviljun.

Má geta þess sérstaklega að læknisfræðin er á slíkum brauðfótum að þeir er þar starfa hafa mjög takmarkaða getu og þekkingu til að hjálpa fólki á mörgum sviðum. Mörg af þeim svokölluðu sjálfsvígum má rekja til heilsufarsvandamáls sem læknisfræðin ræður ekki við og því telur viðkomandi bestu leiðin til að lina eigin þjáningar að stytta aldur sinn.

Talað hefur verið um það að deyja með reisn og fá aðstoð heilbrigðisstarfsfólks við að stytta aldur sinn. Þetta er að nafninu til bannað á Íslandi en virðist samt vera gert án þess að því sé það sem kallað er flaggað.

Læknisfræðin á ekki að fá að smjatta á dauðsföllum einstaklinga eins og börn á sælgæti.

Sjálfsvíg voru alvarleg synd í sumum trúarbrögðum og eru það hugsanlega enn þá.

Reykjavík 6. desember 2022

Kristján S. Guðmundsson

Fv. skipstjóri

Mannréttindabrot Íslendinga

Eftirfarandi yfirlýsing var gefin af utanríkisráðherra Íslands.

"Öllum ríkjum ber skylda til að virða og vernda mannréttindi borgara sinna. Þess vegna er svo mikilvægt að ríki heims tali skýrri röddu og sýni festu í málinu.“

Yfirlýsing „þessi var gefin vegna þess að ráðherrann taldi mannréttindi brotin í öðrum ríkjum.

Ráðherrann hefði átt að skoða eigin rann betur og krefjast leiðréttinga á lögum er stuðla að mannréttindabrotum í eigin landi. Lög sem sett voru af Alþingi Íslendinga og eru nr. 55 frá 2009 og eru um skyldu til að skrá svokallaða sjúkraskrá. Lög þessi eru um einhliða skráningu heilbrigðisstarfsfólks ( lækna og annarra er koma að heilbrigðisþjónustu).

Skráning þessi er einhliða verk heilbrigðisstarfsfólks án afskipta eða aðkomu sjúklinga. Er svo komið að umrædd skráning er og hefur verið stórhættuleg fyrir sjúklinga og dæmi um alvarlega heilsuskerðingu sjúklings vegna misnotkunar á skráðum upplýsingum í sjúkraskrá. Auk þess að skráning upplýsinga í sjúkraskrá er í fjöldamörgum tilvikum ósannindi og óskiljanleg skráning sem kalla má falsanir. Þess ber að geta að læknar eru meðal þeirra sem skrá ósannindi í sjúkraskrá.

Sem dæmi um ósannindaskráningu læknis þá er skráð sjúkdómsgreining án nokkurra rannsókna er veldur varanlegu heilsutjóni og reynist fjórum árum síðar vera eitrun af völdum ávísaðs lyfs. Auk þess er skráður viðtalstími sjúklings við sérfræðilækni átta mánuðum áður en sjúklingur fékk tíma hjá sérfræðingnum. Að auki bókar umræddur sérfræðilæknir sjö mánuðum áður en hann tilkynnti sjúklingi um hver væri orsök skertrar heilsu, sem var talin eitrun af völdum tiltekins lyfs, að sjúklingur hefði hætt að taka lyfið þremur mánuðum áður en umrædd bókun er talin hafa verið gerð, (þ.e. áður en læknirinn veitti sjúklingi viðtalstíma og upplýsingar). Umrædd fullyrðing er bókuð 16. nóvember 2016 en læknir tilkynnti sjúklingi 19. maí 2017 hver væri talin orsök heilsuskerðingar og þá var strax hætt notkun lyfsins. Sýnir þetta mátt falskra bókana í sjúkraskrá.

Í lögunum er ákvæði um að sjúklingur geti fengið afrit af sjúkraskrá og sent skriflegar athugasemdir við skráninguna. Ekki er neitt ákvæði í lögum um að leiðrétta eigi ranga skráningu í sjúkraskrá. Afstaða Landlæknisembættis varðandi skriflegar athugasemdir er í þá veru að þar sé um að ræða ORÐ gegn ORÐI og skráning heilbrigðisstarfsfólks sé sannleikur þótt ósannindi séu skráð. Með þessari afstöðu af hálfu Landlæknis eru mannréttindi sjúklinga einskis virði og um að ræða mannréttindabrot af versta tagi.

Mannréttindabrot íslenskra stjórnvalda eru í anda þeirra ráðamanna erlendra ríkja sem utanríkismálaráðherra er að gagnrýna en íslenskir ráðherrar eru jafn sekir um mannréttindabrot á íslenskum þegnum og þeir ráðamenn sem íslensku ráðherrarnir gagnrýna.

Það að íslensk stjórnvöld leggi blessun sína á falsanir í skráningu í sjúkraskrá eru íslenskir ráðherrar að svifta íslenska þegna þeim mannréttindum sem stjórnarskrá lýðveldisins er talin veita þegnunum.

Líf og heilsa íslenskra sjúklinga svo og mannréttindi eru einskis virði að mati stjórnenda landsins í ljósi afgreiðslna íslenskra ráðuneyta (þ.m.t. heilbrigðisráðuneytið) á kvörtunum þegnanna um brot á mannréttum á Íslandi.

Reykjavík 28. Nóvember 2022

Kristján S. Guðmundsson

Kt.2209342769

Kynferðisleg áreitni

Þetta er óvinsamlegt umræðuefni.

Þar sem erfitt hefur verið að fá skilgreiningu (fullkomna skýringu) á því hvað telst vera kynferðisleg áreitni er hér með óskað eftir fræðslu kvenna kyns vitringanna sem kvarta stanslaust um kynferðislega áreitni.

 

Spurt er.

Hvað er kynferðisleg áreitni, allt tíundað?

Ef litið er á dýrið sem kallast maður sem sprengju með kveikiþræði þar sem viðurkennt er að í mörgum tilvikum er kveikiþráður karlsprengjunnar ívið styttri en kveikiþráður kvennasprengjunnar þótt kveikiþráðurinn í sumum konum sé æði stuttur.

Sem viðvörun til ungra kvenna kyns sprengja þá eruð þið að leika ykkur í hættulegum leik þegar þið eru einar með karlsprengju í keleríi. Ef þið farið í keleríi er verið að kveikja í tundurþræði karldýrsins og þið getið ekki ákært karlsprengjuna um ólöglegt athæfi þótt hann gangi langt og fullnægi kynhvötinni með ykkur.

Kona sem fer frjáls og fús í kelerí með karli er sjálf ábyrg fyrir afleiðingum (hún á sinn líkama) þess sem gerist á milli þeirra þótt konan fái það sem kallað er mórall eftir samfarirnar og kæri karldýrið fyrir nauðgun er hún sökudólgurinn þar sem hún kveikti í tundurþræði karlsprengjunnar.

Konur eiga ekki að vera einar með karlsprengju ef þær eru ekki tilbúnar að ganga alla leið í ástarleiknum án þess að fá móral á eftir og kæra bólfélaga sinn fyrir nauðgun þegar móri fer af stað.

Þetta er ekki afsökun fyrir þá glæpamenn sem nota eða notað hafa eiturlyf til þess að ná fram fullnægingu greddu sinnar. Þeir eru og verða glæpamenn. Svo virðist sem víndrykkja ungra kvenna sé orðin vandamál þar sem þær drekka nánast hvað sem er. Þá þurfa þær að fara að hugsa meira og huga vel að því sem þær innbyrða á skemmtistöðum eða í partíum í heimahúsum.

Hvers vegna eru konur gjarnar til að ásaka karla fyrir flest sem miður fer hjá þeim sjálfum og þá grípa þær til ásakana um kynferðislega áreitni. Þó er það svo að konur eiga sök á flestum hjónaskilnuðum.

Konur eru graðar og vilja ná í tiltekinn karlmann og víla ekki fyrir sér, með því að falbjóða sig til samfara, þótt þær viti af því að karlinn sé giftur annarri konu. Þetta framferði kvenna kalla þær að konur eigi sinn líkama og ráði yfir honum. Þá skiptir ekki máli þótt þær sundri fjölskyldum og skaði aðrar konur. Þær eiga sig sjálfar.

Væri verðugt verkefni fyrir foreldra að koma á þeirri verkreglu að ungar stúlkur hefðu með sér svokallaðar siðferðisdömur þegar þær fara út að skemmta sér. Siðferðisdömur voru fylgifiskar ungra kvenna á fyrri öldum. Siðferðisdömurnar voru sendar með til að halda aftur af stúlkunum að fara út í sleikirí þótt löngunin væri sterk til þess að fá „sleik“. Sleik er fyrsta stigið í að kveikja í tundurþræði sprengju karldýrsins.

Það er eðli karldýrsins að leita eftir nánum kynnum við kvennadýrin og hafa þeir oftast frumkvæðið í því sem kallað er ástarleikir. Þótt kvennadýrin nú á tímum séu orðnar frakkari þegar hormónastarfsemin verður illviðráðanleg hjá þeim.

Á meðan ekki er gerð grein fyrir því opinberlega hvað það sé sem kallast kynferðisleg áreitni (listi yfir fyrirbærið) þannig að karldýrin eigi að vita hvernig kvennadýrin hugsa verður allt tal kvenna um kynferðislega áreitni af hálfu karla aðeins MEE TO BULL.

Eftir að kvennadýrin hafa birt sína skoðun á kynferðislegri áreitni má vel hugsa sér að karldýrin setji fram sínar skoðanir á kynferðislegri áreitni af hálfu kvennadýra.

Ef ekki verður svarað með skýringum á hvað sé átt við með orðunum kynferðisleg áreiitni er ekki hægt annað en líta á þessar ásakanir sem ósannindi sem MÓRI kallar fram.

Reykjavík 10. október 2022

Kristján S. Guðmundsson

Fv. skipstjóri

Meira um ósannindi í sjúkraskrám

Eftir baráttu við embætti Landlæknis er varðar falskar skráningar í sjúkraskrá sem fulltrúar Landlæknis úrskurða sem ORÐ gegn ORÐI og tilraunir sjúklinga til leiðréttingar á fölskum skráningum séu ósannindi af hálfu sjúklingsins.

Þessi barátta hefur leitt til ábendingar Heilbrigðisráðuneytis að leita úrskurðar Umboðsmanns Alþingis. Úrskurður umboðsmanns Alþingis er að athugasemdir sjúklinga við sjúkraskrá séu ósannindi. Umboðsmaður Alþingis staðfestir með úrskurði sínum að heilbrigðisstarfsfólki sé heimilt að skrá hvaða ósannindi sem því dettur í hug í sjúkraskrá.

Eftir þennan úrskurð Umboðsmanns Alþingis er ljóst að sjúklingar verða að bera ábyrgð á afleiðingum falsana við skráningar í sjúkraskrár og hafa enga möguleika á að ná fram rétti sínum. Þar með vaknar sú spurning hve mörg dauðsföll eða margar alvarlegar heilsuskerðingar verða árlega á landinu sem rekja má til rangra viðbragða í heilbrigðisþjónustu út af fölsunum í sjúkraskrá.

Undirritaður hefur orðið fyrir alvarlegu heilsutjóni sem rekja má til vankunnáttu læknis og falsana hans á skráningu í sjúkraskrá. Læknirinn hunsaði í fjögur ár að leita aðstoðar sérfræðings er varðar eitrun af völdum lyfs sem ávísað var auk þess sem hrein ósannindi voru bókuð af lækninum í sjúkraskrána.

Er fékkst aðkoma sérfræðilæknis var upplýst að kvartanir sjúklings vegna heilsuvanda stafaði ekki af völdum sjúkdómsgreiningar læknisins heldur eituráhrifa af notkun á hinu tiltekna lyfi.

Umboðsmaður Alþingis staðfestir með úrskurði sínum að skriflegar kvartanir sjúklings og krafa um leiðréttingar á sjúkraskrá séu einskis virði . Heimildir heilbrigðisstarfsmanna til skráningar í sjúkraskrár sjúklinga séu alfarið þeirra og án afskipta sjúklinga. Athugasemdir sjúklinga séu háðar samþykkis viðkomandi skráningaraðila.

Með úrskurði Umboðsmanns Alþingis í máli þessu er líf og heilsa þeirra sem telja sig þurfa á læknishjálp að halda háð geðheilbrigði þeirra sem veita þjónustu í heilbrigðismálum þjóðarinnar. Ekki má gera ráð fyrir að ósannindaskráning í sjúkraskrá sé gerð af andlega heilbrygðum starfsmanni heilbrigðisþjónustunnar.

Af framan rituðu er komið að ábyrgð Alþingis Íslendinga á að breyta lögum um sjúkraskrá þannig að skráning í sjúkraskrá sé einskis virði ef ekki sé fyrir hendi staðfesting/samþykki sjúklingsins fyrir að rétt sé haft eftir sjúklingi það sem skráð er í sjúkraskrána. Ef alþingismenn/konur ekki breyta lögunum eru þeir/þau samsek/ir um þau mannslát er orðið hafa og alvarlegar heilsuskerðingar er orðið hafa af völdum heimskulegrar lagasetningar er kennd er við sjúkraskrár og skráningar samkvæmt þeim.

Reykjavík 1. október 2022

Kristján S. Guðmundsson

Fv. skipstjóri

Hverjir eru hryðjuverkamenn

Hverjir eru hryðjuverkamenn Af hálfu valdamanna er algengt að kalla aðgerðir hryðjuverk sem ekki falla að geði valdhafanna.

Valdhafarnir telja sig hafa leyfi/vald til að kúga þegnana til hlýðni við sína túlkun á lögum en túlkun valdhafanna á lögum er oft andstætt þeim tilgangi sem leiddi til lagasetningarinnar. Valdhafarnir eru duglegir við að eyðileggja tilgang lagasetningar með orðalagi sem þeir þvinga fram. Orðalag laga sem túlka má á fleiri en einn veg. Síðan er túlkun laganna þvinguð fram með hagsmuni valdhafanna að leiðarljósi.

Þvingunarvaldið er fengið í hendur dómstóla og lögreglu og þar með eru áhrif þegnanna varðandi framkvæmd laganna einskis virði. Má þar vísa til margra dóma íslenskra dómstóla sem ekki hafa verið taldir falla að alþjóðalögum/fjölþjóðalögum og telja valdhafarnir sig ekki þurfa að hlíta öðrum dómum en sinna ranginda (sinna hryðjuverka).

Á fyrri öldum voru valdhafarnir gráðugir líkt og nútíma valdhafar sem leiddi til þess að almúginn reis upp gegn kúgunarvaldinu sem oft endaði með blóðsúthellingum.

Því er stóra spurningin: Eru ekki valdhafarnir hryðjuverkamenn í kúgunaraðgerðum sínum á alþýðu með rangtúlkun laganna að eigin geðþótta?

Reykjavík 28. september 2022

Kristján S. Guðmundsson

Fv. skipstjóri

Öryggi lyfjameðferðar

Af hálfu landlæknis er grein í fréttablaðinu 16. september 2022 um um öryggi lyfjameðferðar og öryggis sjúklinga. Fram kemur að allt að 10% sjúklinga sjúkrahúsa verði fyrir einhverskonar atviki en með atviki er átt við að eitthvað megi betur fara við greiningu, meðferð eða umönnun ……….

Í ár er sjónum beint sérstaklega að öryggi við lyfjameðferð og átaksverkefni Alþjóðaheilbrigðisstofnunarinnar Lyfjameðferð án skaða (Medication without Harm). Tilgangur þess er að bæta öryggi við lyfjameðferð og er markmið fyrsta áfanga þess að fækka atvikum sem hægt er að fyrirbyggja, um helming.

Inntak greinarinnar er lyfjameðferð án skaða. Því miður er það svo að fjölda mörg eiturlyf eru í lyfjakistu lækna og er þeim, að því er virðist ávísað til sjúklinga án sérstaks eftirlits. Lyfjunum er dreift til sjúklinga án þess að neinar reglur séu fyrir hendi til að fara eftir. Eru dæmi um mjög alvarlegar eitranir af völdum svokallaðra læknislyfja vegna vanþekkingar eða vanrækslu læknis.

Kvartað var til læknis um vanlíðan skömmu eftir að notkun á tilteknu lyfi hófst. Var kvartað til heimilislæknis um slæmt heilsuástand. Læknirinn fann á sjúkraskrá tiltekna meinsemd sem skráð var og fullyrti að um endurkomu þeirrar meinsemdar væri að ræða. Gekk þannig í fjögur ár að kvartað var við heimilislæknirinn um um vaxandi meinsemd í líkamanum. Meinsemdin byrjaði neðst í fótum og færðist upp eftir líkamanum eftir því sem lyfið var notað lengur. Heimsóknir til læknis með kvartanir voru um tíu talsins. Hann var ekki of þjakaður af kvörtunum þar sem eftir fyrstu heimsókn var því lýst yfir að ekkert væri hægt að gera sem var endurtekið við hverja heimsókn og kvörtun,

Eftir fjögurra ára notkun lyfsins fékkst læknirinn loks til að kalla til sérfræðilæknir. Tók átta mánuði að fá tíma hjá sérfræðingnum. Niðurstaða sérfræðingsins var að orsök meinsemdarinnar mætti rekja til hins umrædda lyfs. Tók tæp fimm ár að fá niðurstöðu í lyfjaeitrunarmáli.

Það sem fram kom við frekari reksturs málsins voru upplýsingar frá Sjúkratryggingum Íslands þar sem fram kom að læknirinn hafði falsað skráningu í sjúkraskrá sjúklingsins og aldrei getið um kvartanir sjúklingsins á þessu tímabili. Í skýrslu Sjúkratrygginga Íslands kemur fram að læknum hafi verið full kunnugt um aukaverkanir vegna hins tiltekna lyfs.

Atvik þetta sýnir það varnarleysi sem eldri sjúklingar þurfa að glíma við þegar leti eða hyskni læknis kemur fram í því að notast við skráningu í sjúkraskrá þegar úrskurða þarf um sjúkdómsgreiningu í stað þess að láta framkvæma nauðsynlega rannsókn. Með því að falsa allar skráningar í sjúkraskrá viðkomandi sjúklings yfir margra ára tímabil kemur enn fremur vel fram hversu hættuleg skráningin í sjúkraskrá er.

Af hálfu embættis Landlæknis, sem er eignuð sú grein sem vitnað er til í Fréttablaðinu, er það undarlegt að af hálfu þess embættis (Landlæknis) er allt gert til að verja þann glæp er hér er vitnað í. Er af því embætti haldið fram að það standi Orð gegn Orði og þar með er sjúklingur varnarlaus gagnvart augljósum glæpum eða hirðuleysi sem framkvæmdir eru með rangri skráningu í sjúkraskrá. Sjúklingar hafa engan aðgang að sjúkraskrá nema með leyfi viðkomandi skráningaraðila og þegar koma fram tvær útgáfur eða fleiri af sjúkraskrá, eftir því hve margir fara fram á að fá afrit, er ljóst að trúverðugleikinn á skráningunni er enginn.

Í grein landlæknis er lögð rík áhersla á að:

Það hefur sýnt sig að mikilvægt er að virkja sjúklinga þegar öryggi í heilbrigðisþjónustu er annars vegar. Sjúklingar og allir sem taka inn lyf þurfa að vera á varðbergi og umgangast lyf af virðingu. Mikilvægt er eins og alltaf að gefa heilbrigðisstarfsfólki góðar upplýsingar um heilsufar, lyfjaofnæmi og lyf sem verið er að taka inn. Fólk þarf að þekkja lyfin sín, bæði virkni þeirra og útlit og láta vita ef það kannast ekki við þau lyf sem því eru borin eða ef einhverjar áhyggjur vakna. Brýnt er að fylgja leiðbeiningum um lyfjatöku og fá upplýsingar um hvernig lyfin virka, hugsanlegar aukaverkanir, hversu lengi á að taka þau og fleira.

Það er virðingarvert að vekja athygli á virkni sjúklinga í umgengni við lyf sem ávísað er af lækni en vandinn er ekki þar í þessu máli heldur vankunnátta eða einhverjar aðrar ástæður hjá heilbrigðisstarfsmanni og þar er sjúklingur varnarlaus. Þess skal getið sérstaklega að Sjúkratryggingar Íslands neita bótum vegna mistaka læknis á grundvelli þess að ekkert er bókað um kvartanir sjúklingsins. Falsanir læknis á bókunum í sjúkraskrá eru meira virði en frásögn sjúklings er sýnir hve hættuleg fölsk skráning í sjúkraskrá er.

Það er óvirðing við sjúklinga þegar af hálfu Landlæknisembættisins er ekki tekið mark á frásögn sjúklings sem athugasemd við ranga skráningu í sjúkraskrá og sagt að þar standi ORÐ gegn ORÐI. Falsaðar eða rangar skráningar heilbrigðisstarfsmanns í sjúkraskrá eru meira virði en frásögn sjúklings.

Afgreiðsla á falsaðri og rangri skráningu í sjúkraskrá sem tölvuvandamál er ósvífni af hálfu Landlæknisembættis. Að vandamál vegna tölvuskráningar komi fram í tölvu fjórum til fimm árum áður en nafnabreyting er gerð á fyrirtækinu og aðeins hluti skráninga á vegum stofnunarinnar á því tímabili eru með merki í þá veru sem embætti Landlæknis kallar tölvuvandamál viðkomandi stofnunar. Það væri heiðarlegra af embættinu (starfsmönnum þess) að viðurkenna að um falska bókun sé að ræða en reyna ekki að fela ósómann.

Sagt er að sjúkraskrá sé til að auka gæði þjónustu við sjúklinga en raunin er að falskar sjúkraskrár eru stórhættulegar fyrir sjúklinga. Athugasemdir er sendar hafa verið inn vegna rangra (falskra) skráninga er mjög margar eftir að í ljós komu falsanir á sjúkraskrá sem Sjúkratryggingar Íslands lögðu fram.

Í framhaldi af grein landlæknis í Fréttablaðinu ætti læknirinn (Landlæknir) að beita sér fyrir betri þjónustu við sjúklinga þegar kemur að notkun á stórhættulegum lyfjum sem læknar freistast til að nota. Ætti að vera öruggt verkferli innan læknastéttarinnar um rannsóknir við fyrstu kvartanir sjúklings eftir að hafin er notkun á nýju lyfi og banna læknum að úrskurða um sjúkdómsgreiningu með því að vitna í sjúkraskrá án fullnægjandi rannsóknar.

Landlæknir ætti einnig að tryggja það að eldri borgarar sem kvarta vegna rangra aðgerða verði ekki fyrir lélegri þjónustu heilbrigðisstarfsmanna en þeir eiga lagalegan rétt á. Slíkt er hægt að sýna fram á og sanna með skoðun á sjúkraskrá. Að auki er full ástæða til þess að málskilningur heilbrigðisstarfsmanna sé á því sem sagt er við þá af sjúklingi og sé bókað orðrétt en ekki nútíma málskilningur sem oft virðist við lestur sjúkraskrár vera bull (má líkja skráningu sumra starfsmanna heilbrigðisþjónustu við elliglöp).

Af hálfu embættis Landlæknis ætti að vinna að því að sjúklingar hafi aðgang að sjúkraskrá sinni gegnum rafræn skilríki sem í notkun eru strax eftir að þjónustu heilbrigðisstarfsfólks lýkur og þar á að vera hægt að koma athugasemdum við ranga skráningu á framfæri sem ekki á að vera hægt að afmá af skráningaraðila.

Það skal áréttað sérstaklega að það er ekki allt eldra fólk ófært um að tjá sig fullkomlega. Aldur sjúklings er ekki neinn mælikvarði á slíkt. Það að eldra fólk sé afgreitt, án ástæðu af heilbrigðisstarfsfólki, með það sem kallað er elliglöp er virðingarleysi.

Í von um að sannleikurinn verði ráðandi hjá embætti Landlæknis en ekki ósannindi og þaðan af verri málflutningur. Það að tölvuvandamál hrjái suma skráningarþætti heilbrigðisstofnunar en ekki allar skráningar frá stofnuninni á sama tímabili er óskiljanlegur málflutningur af hálfu opinberrar þjónustumiðstöðvar eins og embætti Landlæknis.

Reykjavík 17. september 2022

Kristján S. Guðmundsson

2209342769